मंसिर १ निसें लाइसेन्स बन्द

येँ (नेपालभाषा टाइम्स)÷वइगु मंसिर १ गतेनिसें सवारी चालक अनुमति पत्र (लाइसेन्स) या आवेदन बन्द जुइगु जूगु दु । यातायात व्यवस्था विभागं म्हिगः सुचं जारी यासें वइगु मंसिर ४ गते जुइगु प्रतिनिधिसभा व प्रदेशसभाया निर्वाचनय् सम्बन्धित कार्यालयया कर्मचारी नं खटे जुइमाःगुलिं आवेदन मकायेगु खँ धाःगु खः ।

आवेदन गुबलय् चाली धइगु बारे लिपा सुचं पिकाइगु खँ विभागं धाःगु दु । अनलाइन प्रणालीं लाइसेन्सया आवेदन बीधुंकाः प्राप्त जुइगु तिथिइ निवेदन रुजु व बायोमेट्रिक विवरणया नितिं क्वःछिनातःगु कार्यालय वनेमाः । वयां लिपा लिखित व ट्रायल परीक्षा याना वयाच्वंगु खः ।