ब्लोदानया नीछक्वःगु क्वःगु साधारणसभा

येँ – ब्लड डोनर्स एशोसियसन अफ नेपाल (ब्लोदान)या २१ क्वःगु साधारणसभा व गुक्वःगु केन्द्रीय अधिवेशन वंगु शनिवाः जुल । ब्लोदानया केन्द्रीय उपाध्यक्ष रमेशध्वज बस्नेतया सभापतित्वय् जूगु ज्याझ्वलय् संस्थाया संरक्षक नापं नांजाःम्ह हास्य अभिनेता हरिवंश आचार्य मूपाहांकथं झायादीगु खः ।

अधिवेशनय् पाहांकथं झायादीपिं नेपाल रेडक्रसया उप कार्यकारी निर्देशक इन्द्रबहादुर केसी, ब्लोदानया वरिष्ठ सल्लाहकार सुभाष गोयल, सल्लाहकार राजेश श्रेष्ठ, रक्तसंचार सेवा पर्साया शाखा प्रमुख प्रविण मानन्धर लगायतं हिदानया थीथी पक्षयात कयाः थःथःगु नुगःखँ प्वंकादीगु खः ।

ज्याझ्वलय् ब्लोदानया केन्द्रीय दुजः पुरुषोत्तम खत्रीयात ‘ब्लोदान अफ द इयर’पाखें सम्मान याःगु खःसा सल्लाहकार ललिकबहादुर महर्जन, रक्तसंचार सेवा, पर्सा जिल्ला शाखा प्रमुख प्रविण मानन्धर, श्री पशुपति मारवाडी सेवा संघ व मय्जु निता घिराइयायात सम्मान याःगु खःसा ब्लड फन्डय् ग्वाहालि यानादीपिंत मतिनाया चिं नं लःल्हाःगु खः ।

संस्थाया सचिव सूर्यलाल महर्जनं लसकुस यानादीगु ज्याझ्वलय् मूछ्याञ्जे ईं सानुबाबु महर्जनं आर्थिक दँ ०७४÷७५ या प्रगति विवरण व कोषाध्यक्ष मचाकाजी महर्जनं आर्थिक प्रतिवेदन न्ह्यब्वयादीगु खः । अधिवेशनं ब्लोदानया न्हूगु ज्यासना पुचः नं ल्यःगु दु । सल्लाहकार ललिकबहादुर महर्जनया संयोजकत्वय् राजेन्द्र महर्जन व दीपक पौडेल दुथ्याःगु निर्वाचन कमिटी ई. सानुबाबु महर्जनया अध्यक्षताय् झिंगुम्हेसिया न्हूगु ज्यासना पुचः ल्यःगु खः ।

न्हूगु ज्यासना पुचःया उपाध्यक्षय् सूर्यलाल महर्जन व सुभद्रा खड्का, महासचिवय् केशव महर्जन, कोषाध्यक्षय् मचाकाजी महर्जन, सचिवय् विष्णुराज श्रेष्ठ व उज्वल केसीयात ल्यःगु दु । ज्यासना पुचःया दुजलय् विनोद तुलाधर, रोशन राजकर्णिकार, किशोरराज वन्त, शंकर महर्जन, पुरुषोत्तम खत्री, धर्मभक्त प्रधान, नारायणबहादुर वासुकला, बालकृष्ण श्रेष्ठ, खेम मरासिनी, इन्दिरा निरौला, शारदा लामा, भोलानाथ पाठक निर्विरोध निर्वाचित जुयादीगु खः ।

सम्बन्धित बुखँ

LEAVE YOUR COMMENTS