प्रज्ञा प्रतिष्ठानया सफू ब्वज्या क्वचाल

येँ – नेपाल प्रज्ञा प्रतिष्ठानया ग्वसालय् जूगु सफू ब्वज्या क्वचाःगु दु । प्रतिष्ठानया ६२ क्वःगु वार्षिकोत्सवया लसताय् जूगु सफू ब्वज्याय् न्हय्गू लाखया सफू विक्री जूगु प्रतिष्ठानं जानकारी बिउगु दु ।वंगु असार ८ निसें २२ गते तक न्ह्याःगु सफू ब्वज्याय् स्वतका जंगु महेन्द्र प्रकाशन माला निसें १४०० तका वंगु प्रज्ञा–अंग्रेजी–नेपाली खँग्वःधुकू तयातःगु खः ।

ब्वज्याय् तयातःगु सफू मध्ये १३५० तका मू तयातःगु खँग्वःधुकू नीसःप्रति विक्री जूगु संयोजक सुधीर ढुंगेलं जानकारी बियादिल ।प्रतिष्ठानं थीथी इलय् प्रकाशनय् हःगु कृतिनापं पत्रिका यानाः प्यसलं मल्याक कृति ब्वज्याय् विक्रीया निंतिं तःगु खः ।

थीथी उमेर समूहया विद्यार्थी नापं सफूया पारखी, साहित्यकार व सर्वसाधारण यानाः करिब झिद्वलं उगु सफू ब्वज्या अवलोकन याःगु खःसा सफू ब्वज्याय् मीत तयातःगु कृतिइ १५ निसें ६० प्रतिशत तक छ्यापं बीगु व्यवस्था नं यानातःगु खः ।

नेपाःया थीथी जाति, कला, संस्कृति, धर्म, इतिहास, परम्परा, संस्कार आदि विषयय् प्रतिष्ठानं प्रकाशन याःगु कृतिलिसें स्वदेशी साहित्यकारया महत्वपूर्ण कृतियात अंग्रेजी व हिन्दी भासं व विदेशी च्वमिपिनिगु कृतियात खस् भासं अनुवाद यानाः पिथनातःगु कृतियात ब्वज्याय् तयातःगु खः ।

सफू ब्वज्याय् करिब न्हय्गू लाख तकाया कृति व सफू विक्री जूगु व उकीमध्ये निजी ख्यःया प्रकाशन गृहं जक प्यंगू लाख स्वयां अप्वःया सफू न्याना यंकूगु प्रतिष्ठानं जानकारी बिउगु दु । प्रतिष्ठानं शुरुनिसं ०६७ सालतकया दुने पिथंगु कृतिइ ६० प्रतिशत व वयां लिपा आतकया दुने पिथंगु कृतिइ ४० प्रतिशत छ्यापंया व्यवस्था यानातःगु खः ।

सम्बन्धित बुखँ

LEAVE YOUR COMMENTS