चालकया लापरवाहीं दुर्घटना अप्वल
येँ – स्वनिगलय् जुइगु अप्वःथें सतक दुर्घटना चालकया लापरवाहीं जुइगु यानाच्वंगु खँ सीदुगु दु । छगू तथ्यांककथं स्वनिगलय् जुइगु थीथी कथंया सतक दुर्घटना मध्ये ९० प्रतिशत स्वयां अप्वः दुर्घटना चालकया लापरवाहीं यानाः जुइगु यानाच्वंगु तथ्यांक दु । महानगरीय ट्राफिक प्रहरी महाशाखायाकथं स्वनिगलय् जुइगु कुल दुर्घटनाया ९० प्रतिशत स्वयां अप्वः चालकया हे लापरवाहीं जुइगु यानाच्वंगु दु ।
महाशाखां आर्थिक दँ २०७४÷०७५ य् जूगु ६,३८१ दुर्घटना मध्ये चालकया लापरवाहीं जक ५,९६१ दुर्घटना जूगु दु । मादक पदार्थ सेवन, तीव्र गति, यान्त्रिक गडबडी, ओभरटेक, पैदल यात्रुया लापरवाही, सतकया अवस्था आदि कारणं नं दुर्घटना अप्वयाच्वंगु दु ।
महाशाखाया कथं वंगु आर्थिक दँय् जूगु सतक दुर्घटनाय् लानाः २१९ म्ह गम्भिर रुपं घाःपाः जूगु दुसा ३३३ म्ह सामान्य घाःपाः जूगु दु । अथे हे वंगु आर्थिक दँय् सतक दुर्घटनाय् लानाः १९४ म्हेसिया ज्यान वंगु दु । थुकी मिसा ४७ म्ह दुसा मिजं १४७ म्ह दु । सवारी दुर्घटना मध्ये नं अप्वःथें निचाः घःचाः दुगु सवारी साधन दु ।
LEAVE YOUR COMMENTS