ख्वपय् न्या लाकीगु जात्रा अन्तिम चरणय् थ्यन

ख्वप – ख्वपया चोछेँ त्वालय् सोमवाः नवदुर्गाया न्या लाकेगु ज्या जुल । ख्वपया नीछगू थीथी थासय् न्या लाकीगु मध्ये थ्व नीगूगु थाय् खः । आः इच्छु गल्ली छथाय् न्या लाके धुंकाः थुगुसी नवदुर्गां न्या लाकेगु ज्या क्वचायेकी । चोछेँय् न्या लाकेगु
स्वयेत आपाल मनूत मुंगु खः । थ्वयां छन्हु न्ह्यः तुलाछेँ त्वालय् न्या लाकेगु ज्या जूगु खः ।

इच्छुइ धुंकाः क्वचायेकीगु थ्व द्यः वयां लिपा छक्वलं हे भलभल अष्टमिकुन्हु ब्रम्हायणी कुण्डय् जलसमाधी काइगु इलय् जक पित हइ । वयां छन्हु लिपा धाःसा तलेजुइ यंकाः सिजा नकीगु चलन दु । सीपिं जुल धइगु ल्याखं अन सीजा नके धुंकाः हाकनं द्यःछेँय् लिहां वनेत स्वइगु इलय् नकिंनं लुखा तिनाः पितिनि । वयां लिपा धाःसा उपिं थःगु हे थाय् ब्रम्हायणी वनी ।

थ्वयां न्ह्यः ख्वपया सूर्यमढी त्वालय् माघ २ गते न्या लाकेगु जात्रा सुरु यानाः स्वला न्ह्यः सुरु जूगु जात्रा छसिकथं दतात्रय चोक, क्वाठण्डौ व गःछेँ धुंकाः न्हापांगु चरणय् क्वचाल । वयां लिपा दथु त्वाःचा, इनाचो व गोल्मढी न्या लाकेधुंकाः नाला, भ्वँत व सांगाय् यंकूगु खः ।

अथेहे दथुइ दथुइ ख्वपय् हयाः न्या लाकेगु व सक्व, धौख्यः, भ्वँत व पन्ति नं यंकूगु खः । नापं काभ्रे जिल्लाया श्रीखण्डपुर, गोकर्ण, तुपिया लागाय् नं आः तकं न्या लाकेगु चलन यानातःगु दु । मध्यपुर थिमि व तोखाय् धाःसा न्हापा थथे न्या लाकूगु खःसां ल्वापुया कारणं बन्द जूवंगु खँ बनमाला समाजं धाःगु दु ।

सम्बन्धित बुखँ

LEAVE YOUR COMMENTS