जसुब्वया भाईस प्रिन्सिपलया लुमन्तिइ विचाः मुँज्या

येँ – जगतसुन्दर ब्वनेकुथि संचालक समितिया दुजः नापं ब्वनेकुथिया भाईस प्रिन्सिपल मदुम्ह शान्ति मानन्धरया लुमन्तिइ छगू श्रद्धाञ्जली सभा नापं विचाः मुँज्या जुल ।

मदुम्ह मानन्धरया किपाय् स्वां देछासे छगू मिनेट मौन धारण यानाः न्ह्याःगु ज्याझ्वलय् ब्वनेकुथि संचालक समितिया नायः लक्ष्मीदास मानन्धर, ब्वनेकुथिया पुलांम्ह प्रिन्सिपल नापं संचालक समितिया दुजः माया मानन्धर, संचालक समितिया दुजः डा. चुन्दा वज्राचार्य, संस्थापक दुजः राजभाई जकःमि, ब्वनेकुथिया प्रिन्सिपल सुनिता मानन्धर व मदुम्ह मानन्धरया दाजु ज्ञानेन्द्र मानन्धरं मदुम्ह शान्ति मानन्धरं ब्वनेकुथिया निंतिं बियादीगु योगदान व वय्कःया व्यक्तित्वयात कयाः थःथःगु नुगःखँ प्वंकादीगु खः ।

ज्याझ्वलय् भाजु ज्ञानेन्द्र मानन्धरं थः केहेँया नामं निगू लाख तकाया अक्षय कोष नीस्वनेगु प्रतिवद्धता नं प्वंकादीगु खः ।