ख्वपया भैलःप्याखय् न्हूपिं प्याखंम्वः

ख्वप – थनया कुम्हाःतय्सं क्यनीगु भैलःप्याखंया निंतिं प्याखं स्यनेगु शुरु जूगु दु । थनया तौलाछेँ त्वाः थःनेया कुम्हातय्सं भैलःप्याखंया निंतिं प्यखं स्यनेगु शुरु याःगु खः । थुगुसी भैलःप्याखंया निंतिं न्हूपिं हे प्याखंम्वःत तयाः प्याखं स्यनेगु ज्या जुयाच्वंगु दु । वंगु गथांमुगःचः¥हे प्यन्हु न्ह्यवंनिसें मुक्कं न्हूपिं जक प्याखंम्वःत तयाः प्याखं स्यनेगु ज्या न्ह्यानाच्वंगु खः ।

गौतम प्रजापतिया नेतृत्वय् भैलःप्याखंया हे छम्ह प्याखंम्वः कलाकार कृष्णभक्त प्रजापति लगायत पुलांपिं कलाकारतय्सं प्याखं स्यनेगु ज्या याना वयाच्वनादीगु दु । प्याखं स्यनेगु निंतिं माःगु व्यवस्थापनया दक्वं भाला विष्णुप्रसाद प्रजापतिं याना वयाच्वनादीगु दु ।
थुगुसीया भैलःप्याखनय् रुविन प्रजापतिं मू प्याखंम्वः भैलः जुयाः म्हितादीगु जूगु दु ।

अथे हे महाकाली जुयाः विजय प्रजापति, बाराही जुयाः रविन प्रजापति, देवी जुयाः मनिष प्रजापति, महालक्ष्मी जुयाः रोहन प्रजापति, बेताः जुयाः नोरिफ प्रजापति, सुबोध त्वाय्ना व रिसेप प्रजापतिं म्हितादीगु जूगु दु । थुकथं हे कवं जुयाः युनिफ प्रजापति व क्रिशा प्रजापतिं म्हितादीगु जूगु दुसा थुपिं सकलें भैलःप्याखंया न्हूपिं कलाकार खः ।

न्हापांनिसें प्रजापति समुदायं जक थ्व प्याखं चले याना वयाच्वंगु खःसा आः वयाः मेमेगु समुदाययापिंत नं दुथ्याकाः प्याखं क्यनेगु तयारी जुयाच्वंगु दु । थ्व हे वइगु सापारुया दिंनिसें थुगु प्याखं ख्वया थीथी थासय् वनाः क्यनेगु तयारी जुयाच्वंगु दु ।

सम्बन्धित बुखँ

LEAVE YOUR COMMENTS