इन्डोनेसियाय् जेलय् मिं नयाः ४१ म्ह सित

एजेन्सी- इन्डोनेसियाया राजधानी जाकार्तां पिनेया लागाय् लाःगु टेंगरेंग नांयागु जेलय् मंगलवाः चान्हसिया २ ताः ई पाखे मिं नयाः ४१ म्ह मनू सीगु दु । मिइ लानाः ७० म्ह घाःपाः जूगु दु । घाःपाः जूपिनिगु आइसीयुलय् तयाः वासः यानाच्वंगु दु ।

जेलया ब्लक सीइ चान्हय् मिं नःगु खः । उगु ब्लकया क्षमता ४० म्ह कैदीतय्गु खःसां अन १२२ म्ह कैदीत तयातःगु खः । मिं नःबलय् कैदीत द्यनाच्वंगु खः । जेलया प्रवक्तां अन छु जुयाः मिं च्याःगु धयागु सीमदुनिगु व अनुसन्धान जुयाच्वंगु धाःगु दु ।

सम्बन्धित बुखँ

LEAVE YOUR COMMENTS