म्हुतुप्वाः तिकादिसँ !

देय् संचालन यायेत राजनीति माः । तर । मात्र । फुस्लुगु राजनीतिं देय् संचालन जुइमखु । देय् न्ह्याः वनीमखु । देय्यात अग्रगमनया लँय् न्ह्याकेगु खःसा विकास माः । जनताया जीवनय् रुपान्तरण हयेमाः । बिडम्वना ! देशय् थौं राजनीतिया चलखेल गुलि दु । खँ ल्हानां मब्याः । उखेंथुखें । राजनीति । राजनीति हे जक । छरपष्ट ।

जनताया धाःसा प्वाः फुस्लुं, ल्हाः हुस्लुं । जनताया प्वाः जायेका बीगु राजनीति खने मदुनि । छाया नाटक । स्वप्न प्याखं थें विकास, समृद्धिया रंगीचंगी किचः, किपालुत क्यनी । पलख मिखायात सन्तोष बी । तर अनया अनसं फुक्कं अलप जुइ । तनावनी । थुकथं थौं देशय् खने दयाच्वंगु राजनीति जनताया निंतिं नया बजि न्ह्यये थें जुयाबी ।

प्वाथय् पित्याइ । तर नया बजि ! गथे नयेगु ? गथे यानाः घुर्केगु ? प्वाः द्यां लाइ ।राजनीतिक दलतय् सिद्धान्त दइ । दयेमाः । सिद्धान्त, विचारं राजनीतिक क्रियाकलाप न्ह्याकी । न्ह्याइ । देय् व जनतायात समृद्धिया लँय् गुकथं यंकेगु ? दलतय्त राजनीतिक सिद्धान्त्ं मार्ग निर्देशन यानाच्वनी ।

फसय् ब्वयाच्वनीगु झण्डां जक नं गुगुं दलया निष्ठा गुलि ग्यं । प्रमाणित याइमखु । थौं देशय् सरकारय् च्वनाच्वंगु कम्युनिष्ट पार्टी ‘एसियाया दकलय् कम्युनिष्ट दल’ धका दम्फु थानां जक मगाः । थःगु सिद्धान्तकथं जनताया हित व कल्याणया निंतिं समर्पित नं जुइमाः । जुइ फयेकेमाः ।

थःगु थःगु राजनीतिक सिद्धान्तयात देय् व जनताया पक्षय् कार्यान्वन यानाः राजनीतिक दलतय्सं आम जनतायात आकर्षित यायेत स्वइ । जनताया विश्वास थःपाखे साली । खः । राजनीतिक दलतय्सं सैद्धान्तिक आकर्षण क्यनी । तर । देय्या विकास, उन्नति धइगु मात्र दलतय् सिद्धान्तया आकर्षण जक मखु ।

दलतय्सं थःगु कार्यकालय् थःगु सिद्धान्तयात गुकथं जनताया हित–कल्याणया निंतिं इमान्दारीतापूर्वक छ्यली उकिं सिद्धान्तया औचित्य क्यनी । पुष्टि याइ । थौं देशय् कम्युनिष्ट पार्टीया सरकार दु । थौंकन्हय् कम्युनिष्ट पार्टीया कार्यकर्तातय्सं दावी याइ । थौंया नेपाःया कम्युनिष्ट पार्टी एसियाया हे दकलय् तःधंगु कम्युनिष्ट पार्टी ! धाये ।

थ्व दावी पाय्छि जू । तर थज्याःगु दावीइ तनाः छुं ईया निंतिं जक आत्मरतिया अनुभव याये दइ । फइ । सिद्धान्त, विचार अनुरुप आम जनताया जीवनस्तरय् परिणाममुखी उपलब्धि जबतक चूलाके फइमखु, बी फइमखु सिद्धान्त, विचार जनताया मिखा पीकेगु छलछाम जक जुइ । राजनीतिक पार्टीया सिद्धान्त वया आदर्श जुइ ।

आदर्शप्रतिया प्रतिवद्धता हे पार्टी गुलि सिद्धान्तप्रति निष्ठावान । क्यनी ।फसय् ब्वयाच्वनीगु झण्डां जक नं गुगुं दलया निष्ठा गुलि ग्यं । प्रमाणित याइमखु । थौं देशय् सरकारय् च्वनाच्वंगु कम्युनिष्ट पार्टी ‘एसियाया दकलय् कम्युनिष्ट दल’ धका दम्फु थानां जक मगाः । थःगु सिद्धान्तकथं जनताया हित व कल्याणया निंतिं समर्पित नं जुइमाः ।

जुइ फयेकेमाः । मखुसा आम जनतां ‘किसि तःधिकः जुयां छु याये ?’ धाथें धाइ । जनता निराशांग्रस्त जुइ ।राजनीतिक सिद्धान्त, आस्था धइगु अनेक दइ । थीथी दलतय् वैचारिक आस्था पाइ । प्रजातन्त्रवादीतयसें देय्या विकास यायेत थःगु हे वैचारिक धरातल नाली । खुल्ला व स्वतन्त्रत मानव अधिकारया पक्षय् सः थ्वयेकी ।

राजनीतिक आस्था दलतय्सं थःथःगु विश्वासकथं नाली । गुगु ठीक, गुगु बेठीक । थःथःगु दृष्टिकोणकथं क्वःछी । तर छता खँ । थौं राजनीतिक वृत्तय् दुःखद् खँ जुइ ! नेतातय्सं छाय् थःगु आचरण थम्हं नालाकाःगु विचाः, सिद्धान्त अनुरुप क्यनीमखु । छम्ह प्रजातन्त्रवादी दलया शीर्षस्थ नेतां छगू सहलह ज्याझ्वलय् ब्वति काइ । टि.भि.इ क्यनी ।

उम्ह नेतायात ज्याझ्वलय् सहभागितय्सं न्ह्यसः तइ । जिज्ञासा प्वंकी । उम्ह प्रजातन्त्रवादी नेतां प्रश्नकर्तातय्त ‘सुम्क च्वं, अप्वः हालेमते’ धकाः लिसः बी । विश्वसनीय, मन लुधनीकथंया छुं लिसः बी फइमखु । लिसः बिउगु शैलीं हे वयागु व्यवहार सी दइ । तसकं कठोर खने दइ । प्रजातन्त्रवादी नेतां जनताया नुगःयात खुल्लाकथं ग्रहण यायेमाः, थुइकेमाः ! ‘सुम्क च्वं, अप्वः हालेमते’ धकाः निषेधया शैली नालीमखु ।

नाले नं मजिउ ।उगु सहलह, अन्तरक्र्रिया ज्याझ्वलं उम्ह प्रजातन्त्रवादी नेताया प्रजातन्त्रात्मक छबि बुलुका बी । नेताया छविं सम्पूर्ण नेताप्रति हे गलत धारणा ब्वलनी । सम्पूर्ण दलप्रति हे गलत धारणा ब्वलनी । प्रजातन्त्रवादी नेता सैद्धान्तिकरुपं हे जनतयाया खँय् सहिष्णु जुइ । जुइमाः । कठोर जुइमखु । जुइ दइमखु ।

थौं देशय् दकलय् चिन्तनीय विषय जुइ । नेतातय् आचरण । छाय् इमिगु सिद्धान्त अनुरुप मजुल ! छाय् नेतृत्वतसें सिद्धान्तयात मात्र फ्वनाः नयेगु थलकथं जक छ्यल । छाय् नकाब थें जक ब्वल । नक्कलि सिद्धान्तया गजि त्वंकाः जनतायात लठ्ठ याना तये मजिल । याये मजिल । हनेबहम्ह प्रधानमन्त्री ओलीजु ! छि थौं तःधंगु कम्युनिष्ट दलया नेता ! सरकार प्रमुख ।

छिगु दलयात कम्युनिष्ट मखु धकाः मेमेगु कम्युनिष्ट सह यात्रीतय्सं नागःतुगः याः । उकिं थःगु दलया सिद्धान्तयात कार्यान्वयन यानाः सकसियां म्हुतुप्वाः तिकादिसँ । मखुसा ……

 

सम्बन्धित बुखँ

LEAVE YOUR COMMENTS