रोनाल्डो अस्पतालं डिस्चार्ज

ब्राजिलया विश्वविजेता रोनाल्डो अस्पतालं डिस्चार्ज जूगु दु । सोमवाः छगू ट्विट यासें थः अस्पतालं छेँय् लिहां वयेधुनागु खँ धाःगु खः ।
निमोनिया जुइवं रोनाल्डोयात इबिजाया अस्पतालय् भर्ना याःगु खः । स्थानीय पत्रिकातय्सं धाःकथं ४१ दँया रोनाल्डोयात स्थानीय क्यान मिसेस अस्पतालय् आइसीयुलय् तयाः उपचार याःगु खः ।

.रोनाल्डों ट्विट यासें धाःगु दु, ‘जितः इब्जाय् च्वंच्वनागु इलय् तच्वःगु फ्लु जुयाः शुक्रवाः अस्पताल भर्ना यायेमाल, तर आः दक्वं ठीक जुइधुंकूगु दु ।’ब्राजिलया निंतिं ६२ गोल याःम्ह रोनाल्डोया हे गोलया कारणं ब्राजिलं २००२ या विश्वकप त्याकेत ताःलाःगु खः ।

रियल म्याड्रिडया पुलांम्ह कासामि रोनाल्डों बार्सिलोना, इन्टर मिलान व एसी मिलानया निंतिं नं म्हितूगु खः । रोनाल्डों थःगु निंतिं प्रार्थना याःपिं थः फ्यानयात सुभाय् नं देछाःगु दु ।

सम्बन्धित बुखँ

LEAVE YOUR COMMENTS