एंकर ब्राण्ड नेपाली बजारय्

येँ – चीनया लोकंह्वाःगु कन्जुमर इलेक्ट्रोनिक्स ब्राण्ड एंकर नेपाली बजारय् नं वःगु दु । मुरारका अर्गनाइजेशन अन्तर्गतया पशुपति ट्रेड लिंकं एंकर ब्रान्डया इलेक्ट्रोनिक्स सामानत नेपाःया बजारय् हःगु खः । एंकरया पावर ब्याक, पोर्टेबल प्रोजेक्टर, युएसबी केवल, ब्लुटुथ, एयरफोन, वायरलेस चार्जर, वालचार्जर व ब्लुटुथ स्पिकर झिंच्यालाया रिप्लेस्मेन्ट वारेन्टी सहित नेपाली बजारय् हयागु खँ पशुपति ट्रेड लिंकं धाःगु दु ।

एंकरया नेबुला मार्स प्रोजेक्टर ग्राहकतय्त यःगु जुइफु । १० वाटया निगः स्पिकर दुगु थ्व प्रोजेक्टर पाखें १२८० बाइ ७२० या क्लियर रेजुलेशनया १५० इञ्च तक स्वयेफइगु खँ धाःगु दु । थ्व प्रोजेक्टर एन्ड्रोइड ७.१ चले जुइसा थुकी वाइफाइ व ब्लुटुथया सुविधा नं दु । गुकिं यानाः युट्युब, नेटफिक्सया भिडियो याउँक स्वयेफइ ।

अथेहे थुकी ८ जीवीया इन्टरनल स्टोरेजया लिसें मेमेगु डिभाइस कनेक्ट यायेत एक्स्टरनल आइओ एचडिएमआइ व युएबी ३.० पोर्ट नं दु । थुकी १२५०० एमएएचया ब्याट्री दुगुलिं ४ घण्टा तक ब्याकअप नं दइ । पशुपति ट्रेड लिंकया मार्केटिङ्ग म्यानेजर धिरेन्द्र कुसवाहं धयादीगु दु, ‘उपभोक्तातय्सं स्मार्टफोन, ल्यापट व इलेक्ट्रीक सामान धाःसा बांलाःगु गुणस्तरया माली, तर चार्जर, केवल धाःसा साधारण व हाइकपी न्यायेगु याइ ।

थज्याःगु दंगु व गुणस्तरहीन सामानया कारण बहुमूल्य ग्याजेटया पर्फमेन्स बांमलानाच्वंगु धाःगु उपभोक्तातय्सं सि हे मसिउ । आः नेपाली बजारय् हयाःगु एंकर ब्राण्ड विश्वस्तरीय गुणस्तरीय सामान खः । थुकिं ब्याट्रिया लाइफ, परफर्मेन्स, इफिसियन्सी अप्वयेकाबी । गुणस्तरीय सामान माःपिंत एंकर ब्रान्ड उपयुक्त ब्राण्ड जुइ धयागु जिमित विश्वास दु ।

विश्वप्रसिद्ध एंकर ब्राण्डया स्थापना सन् २०११ य् स्टिभ यांगं गुगलया जागिर त्वःता वयाः याःगु खः । थ्व कम्पनी विशेषत स्तरीय पावरबैंक व चार्जरया निंतिं म्हसिउ । एंकरया चार्जिङ टेक्नोलोजि ग्लोबल लिडर कथं न्ह्यःने दु । गुकी वायरलेस चार्जिङ्ग, कार चार्जिङ्ग व वेस्ट सेलिङ्ग पोर्टेबलया लिसें वाल चार्जरत दुथ्याः । एंकर थ्व टेक्नोलोजिइ पायोनियर कथं कयातःगु दु ।