ख्येँया भाः मवयेवं किसानत आन्दोलित

येँ  – ख्येँया भाः गाक्क मवयेवं किसानतय्सं हे नेपाल अण्डा उत्पादक संघया केन्द्रीय ज्याकुथिइ तालाबन्दी यानाबिउगु दु । उमिसं नारायणगढय् हे च्वंगु दाना वितरण संघया ज्याकुथिइ नं तालं ग्वयाबिउगु खः । किसानतय्सं दथुइ लबः नइपिं बिचौलियातय्सं यानां किसानतय् ख्येँया भाः कायेमफुगु धासें आन्दोलन सुरु याःगु खँ पश्चित चितवन अण्डा उत्पादक किसान संघया अध्यक्ष राजकुमार श्रेष्ठं धयादीगु दु ।

किसानतय्सं छगू क्रेट ख्येँया भाः थःपिंत हे स्वसः तका तक वयेमाःगु माग यानाच्वंगु दु । तर किसानतय्सं तग्वःगु ख्येँ हे प्रति क्रेट २३० तकां अप्वः कायेखनाच्वंगु मदु । तर बजारय् धाःसा ख्येँया भाः क्रेटया प्यसः निसें प्यसःत्या तक थ्यनीगु जुयाच्वंगु दु । थ्व बारे सहलह यायेत नेपाल अण्डा उत्पादक संघं विक्रेता व किसानतय्त सःतातःगु खःसां विक्रेतात मवयेवं किसानतय्सं संघय् हे तालाबन्दी यानाबिउगु खः ।

सम्बन्धित बुखँ

LEAVE YOUR COMMENTS