जनप्रतिनिधितय्त सतक विस्तारया मुद्दा बारे सर्वोच्चया पूर्णपाठ लःल्हात

येँ – सडक विस्तार पीडित संघर्ष समितिं प्रतिनिधि सभा सांसद जीवनराम श्रेष्ठयात सडक विस्तार सम्बन्धी सर्वोच्च अदालतं जारी याःगु पूर्णपाठ लःल्हाःगु दु । लिसें संघर्ष समितिं सडक विस्तारं स्थानीय वासिन्दायात लाःगु समस्या बारे ज्ञापनपौ नं लःल्हाःगु दु । थ्व स्वयां न्ह्यः प्रदेश ३ या सांसद राजेश शाक्य,येँ महानगरपालिकाया मेयर विद्या सुन्दर शाक्य व चन्द्रागिरी नगरपालिकाया मेयर घनश्याम गिरीयात नं उगु ज्ञापनपौ लःल्हाःगु खः । समितिं राजनीतिक दल नापं सांसद, मेयर आदिपिंत सडक विस्तार विरुद्ध ज्ञापनपौ बीगु ज्या यानाच्वंगु दु ।