श्रेष्ठयात धर्मादित्य सिरपाः कायस्थयात धर्मादित्य हना

यल – थुगुसीया धर्मादित्य धर्माचार्य सिरपाः च्वमि देवीचन्द्र श्रेष्ठयात छगू ज्याझ्वःया दथुइ लःल्हाःगु दु । अथे हे धर्मादित्य धर्माचार्य हना भाषासेवी नापं साहित्यकार तिलकप्रकाश कायस्थयात लःल्हात । मांभाय् पुचःया ग्वसालय् वंगु शनिवाः थनया मंकाः दबू छेँ त्यागलय् जूगु ज्याझ्वलय् मूपाहां नेपालभाषया अन्वेषक नापं साहित्यकार छत्रबहादुर कायस्थं उगु सिरपाः व हना लःल्हानादीगु खः ।

मांभाय् पुचलं दँय्दसं बीगु याना वयाच्वंगु थुगु सिरपाः थुगुसी झिंन्हय्क्वःखुसी लःल्हाःगु खः । उगु हे ज्याझ्वलय् च्वमि प्रकाश शाक्यया बाखंमुना सपूm ‘इमिगु छेँ स्यंकेमते’या नं चिखिफ्यनेज्या याःगु खः । ज्याझ्वलय् नवासें सिरपाः छनोट समितिया नायः डा. पुष्पराज राजकर्णिकारं पुरस्कृत व सम्मानित व्यक्तित्वपिंसं नेपालभाषाया ख्यलय् बियादीगु दुग्यंगु योगदानया कारणं हे वय्कःपिं थुगु सिरपाः व हनाया निंतिं योग्य जूगु धयादिल ।

ज्याझ्वलय् नेपालभाषा केन्द्रीय विभागया प्रमुख डा. ओमकारेश्वर श्रेष्ठं विभागया नां हिलेगु सम्बन्धय् नेवाः ख्यलय् नापं सामाजिक संजालय् तकं व्यापक बहस जूगु व आपालं नेवाःतय्सं थुकियात क्यंगु चिउताःयात मनन यासें विभागया नां आः नेपालभाषा व नेवार स्टडिज तयेगु क्वःजिउगु जानकारी बियादिल । ज्याझ्वः पुचःया नायः हेरारत्न शाक्यया सभापतित्वय् जूगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु