उपभोग्य वस्तुया आपूर्ति सहज यायेत मानवअधिकार आयोगया इनाप

राष्ट्रिय मानवअधिकार आयोगं न्हियान्हिथंया उपभोग्य वस्तुया आपूर्ति सहज यायेत सरकारयात इनाप याःगु दु । कोरोना भाइरसया कारणं देय्न्यंक जुयाच्वंगु लकडाउनया इलय् आपूर्ति सहज यासें नागरिकया स्वास्थ्यप्रति संवेदनशीन जुइत नं आयोगं इनाप याःगु दु ।

बिहीवाः छगू वज्ञिप्ति पिथंसें आयोगं छेँय् च्वनाच्वंपिं अपांग जूपिं मस्त, ज्येष्ठ नागरिक, मिसा व अति विपन्नता जूपिंत आवश्यक जुइगु उपभोग्य सामान उपलब्ध याकेत सरकारनाप इनाप याःगु दु । नापं आयोगं कोरोना भाइरसया वासः यायेत खटेजूपिं स्वास्थ्यकर्मी, सुरक्षाकर्मी, कर्मचारी व इमिगु छेँजःया स्वास्थ्यया सुनिश्चिता यायेत नं इनाप याःगु दु ।

‘नेपाःया संविधानय् स्वास्थ्यया अधिकारयात मौलिक हकया रुय् न्ह्यथनातःगु सन्दर्भय् वर्तमान जटिल परिस्थितिइ नागरिकतय् स्वास्थ्यप्रति जिम्मेवार जुइगु सरकारया प्रमुख दायित्व जूवइ’, विज्ञप्तिइ न्ह्यथनातःगु दु ।

अथेहे आयोगं सरकारं याःगु लकडाउनयात फुक्क नागरिकं पूर्ण पालन यानाः छेँय् च्वनेत व अवज्ञा याइपिंत मानवोचित व्यवहार व कानून बमोजिम कारवाही यायेत इनाप याःगु दु ।