त्रिचन्द्र क्याम्पस सरे याइगु समाचार भ्रामक

येँ (नेपालभाषा टाइम्स) – त्रिचन्द्र क्याम्पसयात जमलय् सरे यायेत्यंगु धकाः वःगु समाचारय् छुं सत्यता मदुगु खँ धाःगु दु। क्याम्पसं छगू वक्तव्य पितबिसें त्रिचन्द्र क्याम्पसयात स्थान्तरण यायेत्यंगु खँय् छुं सत्यता मदुगु खँ धाःगु खः । राष्ट्रिय पुनःनिर्माण प्राधिकरणं वृहत टुंडिखेल दयेकेगु निंतिं त्रिचन्द्र क्याम्पसयात न्हापा परीक्षा बोर्डया ज्याकू दुगु थाय् जमःबहाः नापं सरे यायेत्यंगु धकाः समाचार वःगु खः । क्याम्पस प्रमुख डा. सुनिल अधिकारीं पितबिउगु वक्तव्यय् ‘त्रिचन्द्र क्याम्पस स्थानान्तरण सम्बन्धी आः पिहां वःगु समाचार गलत व भ्रामक जूगु व थ्व सम्बन्धी छुं नं सम्झौता सम्बन्धित निकायलिसे त्रिचन्द्र कलेजं याःगु मदुनिगु जानकारी बिसें थ्व समाचार प्रति क्याम्पस परिवारपाखें पूवंक असहमति प्वंका च्वना’ धयातःगु दु ।