सवारी लाइसेन्स वितरण प्रदेश स्तरय्

येँ, (नेपालभाषा टाइम्स)÷ संघीयता कार्यान्वयन लिपा नं सवारी चालक अनुमतिपत्र (लाइसेन्स) वितरण यायेगु ज्या स्थानीय तहलय् मवनीगु जूगु दु । लाइसेन्सया लिसें सवारी दर्ता व सेवा प्रवाह कर प्रदेश सरकारया मातहतय् जुइगु जूगु दु ।

आः अञ्चलस्तरय् दुगु यातायात कार्यालय संघीयता कार्यान्वयन लिपा प्रदेशस्तरय् दइगु व उगु हे मातहतय् सेवा प्रवाह यायेत यातायात व्यवस्था विभागं प्रस्ताव याःगु दु । यातायात व्यवस्था ऐनका मस्यौदाय् लाइसेन्स वितरण व सवारी दर्ताया अधिकार प्रदेशस्तरय् दइगु कथं विभागं तयार याःगु खः । थ्व स्वयां न्हापा लाइसेन्स वितरण स्थानीय तहयात बीगु योजना दयेकूगु खःसा अप्वः धयाथें स्थानीय तहलय् लाइसेन्स वितरणया नितिं पूर्वाधार मदुगु धासें विभागं प्रदेशयात लाइसेन्स बीगु अधिकार बीत्यंगु खः ।

विभागं पर्याप्त साधनस्रोत मदुगु व प्राविधिक विषयसं नं सक्षम मजूगुलिं प्रदेशयात हे बिउसा पाय्छि जुइ धइगु विष्लेषण याःगु खः । विभागया कथं प्रदेशस्तर लाइसेन्स वितरण जुलधाःसा माः कथं कार्यालय चायेके फइगु खँ धाःगु दु । लाइसेन्स वितरण याइगु थाय् म्हो जुयाः लाइसेन्स वितरण यायेगु ज्याय् सेवाग्राही आपालं समस्या फयेमालाच्वंगु दुसा प्रदेश सरकारं माःकथं कार्यालय चायेकाः लाइसेन्स वितरण यायेफइगु विश्वास नं विभागया दु

नेपालभाषा टाइम्स

च्वमिया मेमेगु

• झीगु सःया निसःब्व थ्यन, निम्ह संचारकःमि सम्मानित
• बालेनया जय जयकार सुनियोजित धइगु पुष्टि
• यँयाःयात झःझः धायेकीम्ह पुलुकिसि
• कन्हय् महाकविया किपा बग्गीइ तयाः चाःहीकीगु
• राजदूतया खँय् नेकां–एमाले ल्वापु