लुँया भावय् न्हूगु कीर्तिमान

येँ (नेपालभाषा टाइम्स) – नेपाःया लुँया बजारय् न्हिं न्हिं धयाथें न्हूगु कीर्तिमान कायम जुइगु जुयाच्वंगु दु। थ्व हे झ्वलय् म्हिगः नं न्हूगु रेकर्ड कायम जूगु दु। नेपाल सुनचाँदी व्यवसायी महासंघया कथं म्हिगः लुँ छतोलाया ९६३०० तका थ्यंगु दु। वंगु शुक्रवाःया तुलनाय् लुँ तोलां न्यासः तका थहां वंगु खः । उकथं हे तेजाबी लुँया भाः ९५८६० तका थ्यंगु जूगु दुसा वहः तोलां ११५५ तका थ्यंगु दु। विश्वन्यंकं कोरोना भाइरसया संकट वयेवं लुँया भाः न्हियान्हिथं थहां वनाच्वंगु खः ।