साहित्यकारतय्त म्हसिकापौ बीगु तयारी

येँ- प्रज्ञा प्रतिष्ठानं याकनं हे साहित्यकारतय्त म्हसिकापौ बीत्यंगु दु । प्रतिष्ठानं साहित्यकार म्हसिकापौ बीगु तयारी अन्तिम चरणय् थ्यंगु खँ धाःगु दु । प्रतिष्ठानं म्हसिकापौ बीगु सम्बन्धी कार्यविधि सहितया प्रतिवेदन संस्कृति, पर्यटन तथा नागरिक उड्डयन मन्त्रालयय् बुझे यायेधुंकूगु दु ।

प्रतिष्ठानं ‘विशिष्ट साहित्यकार म्हसिकापौ’ व ‘लेखन साहित्यकार म्हसिकापौ’ यानाः निगू कथंया म्हसिकापौ बीत्यंगु खः ।

विशिष्ट साहित्यकार म्हसिकापौ ६० दँ दयेधुंकूपिं व पीदँ तक मदिक्क साहित्य च्वयाच्वंपिंत बीसा लेखन साहित्यकार म्हसिकापौ ४० दँ थ्यनेधुंकूपिं व २५ दँ तक नियमित साहित्य च्वयाच्वंपिंत बी ।