मुक्कं छेँजःया हे स्वाब परीक्षण

येँ (नेपालभाषा टाइम्स) – थनया तू क्यब (फलफूल गल्लिइ) पसः दुम्ह न्हाय्कं त्वाःया स्थानीयवासीयात कोरोना पोजिटिभ जुइवं वयागु सकल छेँजःपिनिगु हे पिसिआर परीक्षण याःगु दु। तर उकिया रिपोर्ट धाःसा म्हिगः तक मवःनि । कोरोना संक्रमित जूम्ह मनूयात धाःसा टेकू अस्पतालय् भर्ना यानातःगु दु। महाबौद्धया छम्ह व्यापारीयाके कोरोना खने दयेवं वयागु सम्पर्कय् वःपिं झिंनिम्ह मनूतय्सं स्वाब परीक्षण याःगु खःसा उकी मध्ये छम्हेसिके पोजिटिभ खने दयेवं वया मुक्कं परिवारया परीक्षण याःगु खः ।