विश्वकपय् न्हापांखुसी मिसा रेफ्री
एजेन्सी- विश्व फुटबलया सर्वोच्च निकाय फिफां इतिहासय् हे न्हापांखुसी मिजंतय्गु विश्वकप फुटबल कासाय् मिसापिं रेफ्री तयेगु घोषणा याःगु दु । फिफां कतारय् सन् २०२२य् जुइत्यंगु विश्वकपय् मिसापिं रेफ्री तयेगु निर्णय याःगु खः । फिफां स्वम्ह मिसा रेफ्री व स्वम्ह मिसापिं सहायक रेफ्रीयात विश्वकपया निंतिं छनोट याःगु खः ।
रेफ्रीइ फ्रान्सया स्टेफानी फ्रायार्ट, रुवाडायन सलिमा व जापानया योशिमा यामशिता व सहायक रेफ्रीइ ब्राजिलया नेउजा ब्याक, मेक्सिकोया करेन डियाज मेडिना व अमेरिकाया क्याथ्रिन नेस्बिटयात छनोट याःगु दु । फिफा रेफ्री समितिया अध्यक्ष पियरलुइगी कोलिनां भविष्यय् मिजंतय्गु कासाया निंतिं मिसापिं म्याच अधिकारी जुइगु सामान्य जुइगु, आः थे सनसनीपूर्ण मजुइगु धाःगु दु ।
फिफा विश्वकपया निंतिं ३६ म्ह रेफ्री, ६९ म्ह सहायक रेफ्री व २४ म्ह भिडियो म्याच अफिसियल छनोट याःगु खः । विश्वकप धेंधेंबल्लाः थ्व हे दँया नोभेम्बर–डिसेम्बरय् कतारय् जुइत्यंगु दु ।
LEAVE YOUR COMMENTS