चितवन टाइगर्सं काठमाडौं किङ्ग्सयात बुकल

येँ – एभरेष्ट प्रिमियर लिग (इपिएल)या बिहिवाः जूगु् कासाय् चितवनं टाइगर्सं काठमाडौं किङ्ग्सयात बुकूगु दु । टियू क्रिकेट मैदानय् जूगु कासाय् चितवनं काठमाडौयात स्वंगू विकेटं बूकुगु खः । लिगय् चितवनं झ्वःलाक निगू कासा त्याकूगु खः ।

टस बुइवं न्हापां ब्याटिङ याःगु काठमाडौं नं २० ओभरय् ८ विकेटया क्षतिइ १४१ रन दयेकूगु खः । काठमाडौंया निंतिं सुवास खकुरेलं दकलय् अप्वः ३५ रन दयेकूगु खः । अथे हे राजु रिजालं २८ व जनक प्रकाशं २६ रन दयेकल । मेपिं कासामितय्सं धाःसा दोहोरो अंकया रन दयेकेमफुत । चितवनया सागर ढकालं काठमाडौंया प्यगू विकेट काःगु खः । अथे हे कमलसिंह ऐरी व सेकुगे प्रसन्नं छगू छगू विकेट काल ।

काठमाडौं किङ्ग्सं बिउगु १४२ रनया लक्ष्य ज्वनाः मैदानय् वःगु चितवन टाइगर्सं १८.४ ओभरय् ७ विकेटया क्षतिइ लक्ष्य पूवंकल । चितवनया निंतिं राजेश पुलामीं दकलय् अप्वः अविजित २६ रन दयेकल । अथे हे कमलसिंह ऐरीं २३, दिलिप नाथं २३ करिम जनतं २१ व मोहमद साहजदं २१ रन दयेकूगु खः । काठमाडौंया निंतिं जितेन्द्र मुखिया व रायन बलं निगू निगू विकेट कालसां सन्दीप लामिछाने, गुलशन झा व जनक प्रकाशं छगू छगू विकेट काःगु खः ।

सम्बन्धित बुखँ

LEAVE YOUR COMMENTS