टि–२० विश्वकप छनोट,नेपालं भुटानयात ११७ रनं बुकल

टि–२० विश्वकप क्रिकेटया एशिया छनोट अन्तर्गत जूगु कासाय् नेपालं भुटानयात ११७ रनं बुकूगु दु । टस बुनाः न्हापां ब्याटिङ याःगु नेपालं निर्धारित २० ओभरय् प्यंगू विकेटया क्षतिइ १५० रन दयेकूगु खः । लिसलय् ब्याटिङ याःवःगु भुटान १६.४ ओभरय् मुक्कं ३३ रन दयेका अलआउट जूगु खः ।

नेपाःया निंतिं सन्दीप लामिछाने व ललित राजवंशीं स्वंगू स्वंगू विकेट काःगु खः । अथेहे बसन्त रेग्मीं निगू शरद भेषवाकर व दीपेन्द्र सिंह ऐरीं छगू छगू विकेट काल । सन्दीपं ४ ओभर बलिङ यानाः निगू मेडन तयाः ६ रन जक बिउगु खः । प्यंगू ओभर हे बलिङ यानाः ललित राजवंशीं नं निगू मेडनसहित प्यंगू रन जक बिल । भुटानया निंतिं तेन्जिङ वाङचुकं सर्वाधिक ११ रन दयेकूगु खः।

मलेसियाया युकेएम मैदानय् न्हापांं ब्याटिङ याःगु नेपाल मुक्कं ६ रन दयेकूबलय् न्हापांगु विकेट वंगु खः । ओपनर विनोद भण्डारी शून्यय् आउट जूगु खः । नेपाः निंतिं प्रदीप सिंह ऐरीं ६८ बलय् नटआउट ७५ रन दयेकूगु खः । अर्धशतक दयेकेगु झ्वलय् म्यान अफ द म्याच ऐरीं २ छक्का व ६ चौका प्रहार याःगु खः।

अथेहे अनिल साहं २७, दीपेन्द्र सिंह ऐरी १५, आरिफ शेखं १३ व करण केसीं ११ रन दयेकूगु खः।
झ्वःलाक्क प्यंगू कासा त्याकाः ८ ल्याः सहित नेपाः शीर्ष थासय् दु । नेपालं आः बुधवाः चीन नाप म्हिती ।

सम्बन्धित बुखँ

LEAVE YOUR COMMENTS