थौं अक्षय तृतिया

येँ – थौं अक्षय तृतिया । थौंया न्हि महाद्यः व पार्वति इहिपा जूगु जूगुलिं थौं इहिपा यायेत साइत स्वयेम्वाः धाइ । नेवाःतय् थौं साखः ति त्वनाः थ्व न्हि न्यायेकीगु चलन दु । अक्षय तृतीयाया कन्हय्कुन्हुनिसें बुंगद्यःया जात्रा नं शुरु जुइ । बुंगद्यःया जात्रायात नेपाःया हे दकलय् ताःहाकःगु जात्रा धायेगु याः । थौं मुस्लिम समुदायया तःधंगु नखः ईद लाःगुलिं सरकारपाखें सार्वजनिक बिदा घोषणा याःगु दु ।

थौं ‘नेपालभाषा टाइम्स’ या नं तिथि कथं बुन्हि खः । थनिंनिसें ‘नेपालभाषा टाइम्स’ खुदँ फुनाः न्हय्दँय् क्यन । गते कथं पत्रिकाया ल्याः हिलीगु न्हि धाःसा वैशाख २७ गते लानाच्वंगु दु । थःगु बुन्हिया लसताय् ‘नेपालभाषा टाइम्स’ पाखें थः सकलें ब्वँमि, ग्राहक, विज्ञापनदाता व शुभेच्छुकपिंत ग्वाहालिया लागिं सुभाय् लिसें भिंतुना देछाःगु दु ।

सम्बन्धित बुखँ

LEAVE YOUR COMMENTS