येँ (नेपालभाषा टाइम्स)/ येँ महानगरपालिकां येँयाःया झ्वलय् भिडियो डकुमेन्ट्री च्यालेञ्ज याइगु जूगु दु । थ्व च्यालेञ्ज स्वंगू विधाय् जुइ । येँ महानगरपालिकापाखें सोमवाः छगू पत्रकार सम्मेलन यानाः बिउगु जानकारी कथं न्हापांगु विधा अन्तर्गत थुगुसीया जात्राय् आधारित भिडियो सामग्री जुइसा निगूगु विधा अन्तर्गत न्हापाया जात्रा व थुगुसीया जात्राया तुलनात्मक दृश्य दुथ्याकातःगु सामग्री जुइ । थ्व निगुलिं विधाय् झिंखुदँ निसें […]

  येँ(नेपालभाषा टाइम्स)/ येँ महानगरपालिका २१ वडाया ग्वसालय् लगं त्वालय् शाक्य वज्राचार्यतय् बहाः बहीया गुंला बाजं (धाःबाजंं)या ब्वज्या जुल । कीर्तिपूण्य महाविहार गुंला बाजं खलःया व्यवस्थापनय् जूगु ज्याझ्वलय् येँ देय्या थीथी बहाः बहीया खुगू गुंला बाजं खलकं ब्वति काःगु खः । येँ महानगरपालिकाया उपप्रमुख सुनिता डंगोलं ज्याझ्वःया उलेज्या यासें नखःचखःलिसें सांस्कृतिक, परम्परागत महत्वया अमूर्त सम्पदाया रुपय् दयाच्वंगु […]

येँ(नेपालभाषा टाइम्स)/चन्द्रागिरी नगरपालिकाया मच्छेगामय् म्हिगः राष्ट्रिय लाखे प्रदर्शनी जुल । नेपाल सांस्कृतिक कला मन्दिरया ग्वसालय् जूगु उगु प्रदर्शनी देय् न्यंकया स्वीन्यागुलिं मल्याक लाखे प्याखं प्रदर्शन जूगु खँ ग्वसाः खलकं धाःगु दु । ज्याझ्वलय् प्रदर्शन जूगु थीथी खलः पुचःयात हना–पौ लःल्हायेगु ज्या नं जूगु खः । थुकियालिसें ज्याझ्वलय् पिने जिल्लायापिंसं थःपिनिगु लागाय् नेवाः जातिया अस्तित्व न्हयनावनेत्यंगु जूगुलिं थःपिंसं फुकथं […]

येँ (नेपालभाषा टाइम्स)/ येँया जात्राबलय् जुइगु थीथी जात्रा, बाजं, प्याखं आदिया अभिलेखिकरण यानातःगु सफू विमोचन जूगु दु । येँ महानगरपालिका २३ वडाया ग्वाहालि नेवाः नुगःपाखें येँयाःबलय् जुइगु जात्रा, बाजं, प्याखं लिसें थीथी सम्पदाया अभिलेखिकरण याःगु खः । थुगु अभिलेखिकरण दुथ्याःगु सफू शुक्रवाः छगू ज्याझ्वःया दथुइ मू पाहाँ येँ महानगरपालिकाया उपमेयर सुनिता डंगोल लिसें थीथी व्यक्तित्वपिंसं विमोचन याःगु […]

येँ(नेपालभाषा टाइम्स)/ अमेरिकां लित हःगु चन्द्रागिरी नगरपालिका तीननाथाय् च्वंगु खुयायंकातःगु ससुद्यःया मूर्ति हाकनं अन हे प्रतिष्ठापना यायेगु तयारी जुयाच्वंगु दु । तीनथानाया विष्णुदेवीया देगलं वि.सं. २०३७ सालपाखे खुया यंकूगु ससुद्यःया मूर्ति अमेरिकाय् लुइकाः अनं लित हःगु खः । लितहःगु मूर्ति छाउनीस्थित संग्रहालय् तयातःगु खःसा उगु मूर्ति न्हापा तयातःगु थासय् हे प्रतिस्थापन यायेगु निंतिं तयारी जुयाच्वंगु […]

ख्वप (रासस)/ गणेद्यःया जन्मोत्सवया लसताय् स्वनिगःया प्यम्ह विनायकमध्येम्ह छम्ह सूर्यविनायकय् म्हिगः सुथंनिसें गणेद्यःया खः जात्रा याःगु दु । भाद्र शुक्ल चतुर्थी चथाःकुन्हु गणेद्यः बूगु न्हि कथं हना वयाच्वंगु दु । थ्व हे लसताय् सुथंनिसें सूर्यविनायक गणेद्यःया देगलय् पुजा यानाः मू गणेद्यःया मूतिंयात खतय् तयाः जात्रा याःगु खः । न्हिच्छियंकं थीथी त्वालय् खः चाःहिका सनिलय् हाकनं […]