ने. सं. ११४६ दिल्लाथ्व सप्तमी -

रत्नकीर्ति महाविहारय् वैचारिक गोष्ठी

येँ (नेपालभाषा टाइम्स) – रत्नकिर्ति महाविहार अध्ययन मण्डलपाखें लय्पतिकं न्ह्याका वयाच्वंगु गोष्ठी ज्याझ्वः मखं बाहालय् जुल । नेपाःया बौद्धधर्म, नेवाः सम्पदा व संस्कृतियात कयाः लय्पतिकं छगू छगू बिषयय् ख“ तयेगु व उकियात हे कयाः वैचारिक मन्थन यायेकथं थ्व ज्याझ्वः न्ह्याका वयाच्वंगु दु ।

विहारया चक्रेश्वर गौतमविलास वज्राचार्यया उपस्थितिइ थुगुसी सप्तबिधानुत्तर पुजा जीवनय् गुकथं उपयोगी धइगु बिषयय् जितेन्द्रविलास वज्राचार्यं प्रवचनं बियादीगु खः । मण्डलया दुजः रबिन्द्र वज्राचार्यया सभापतित्वय् जूगु ज्याझ्वलय् धर्मोदय सभाया महासचिव महाविहारया सचिव सागरमान वज्राचार्यं नं थःगु ख“ तयादीगु खः । ज्याझ्वलय् एसईई ताःलाःपिं विहारया कायम्ह्याय् व भिनामस्तय्त हनेज्या नं याःगु खः