नेवाःख्यः

येँ(नेपालभाषा टाइम्स)- बेलायतय् च्वंगु यन्त्रकलापाखें निर्माण जूगु निगूगु एनिमेटेड संकिपा ‘लाखे’या निपुगु म्येँया पितब्वज्या याःगु दु । एनिमेशन यानाः निर्माण यानातःगु ‘लाखे’ संकियाय् दुथ्याःगु निपुगु म्येँ ‘जय जय लाखे’या वंगु शनिवाः पितब्वज्या याःगु खः । येँ महानगरपालिकाया उपप्रमुख सुनिता डंगोल व ख्यालिजुजु मदनकृष्ण श्रेष्ठं मंकाःकथं म्येँया पितब्वज्या यानादीगु खः । ज्याझ्वलय् नवासें उपप्रमुख डंगोलं एनिमेटेड संकिपाया माध्यमं मस्तलिसें […]

येँ (नेपालभाषा टाइम्स)÷ पोखराय् च्वनाच्वंपिं नेवाःतय् संस्था नेवाः खलः कास्कीया शनिवाः जूगु साधारणसभा व अधिवेशनं न्हूगु ज्यासना पुचः ल्यःगु दु । न्हूगु ज्यासना प-चलय् वइगु स्वदँया कार्यकालया निंतिं अशोक पालिखेयात हे सर्वसम्मतं हाकनं नायः ल्यःगु दु । खलःया थःगु भवन विष्णु बुद्धि सभा कक्षय् जूगु अधिवेशनं नायलय् पालिखेलिसें दक्वं पदाधिकारी, सल्लाहकारलिसें आमन्त्रित दुजःपिं नं मनोनित याःगु खः । […]

येँ (नेपालभाषा टाइम्स)-‘कविताया लाय्कू’ नांगु न्हूगु साहित्यिक संस्थापाखें नेपालभाषाया न्हूपिं कवयित्रीपिनि अनलाइन कविता वाचन ज्याझ्वः यात । कवयित्रीपिं जक जानाः नीस्वंगु ‘कविताया लाय्कू’ पाखें याःगु थ्वहे न्हापांगु ज्याझ्वः खः । संस्थाया नायः भाषाशास्त्री लिसें समिक्षक डा. ज्योति तुलाधरया सभापतित्वय् जूगु उगु ज्याझ्वलय् कवयित्रीपिं मंजु श्रेष्ठ सिंह, रहेना नकःमि मानन्धर, सुधीर ख्वबि, हिसिलिना शाक्य, ज्ञान केशरी कायस्थ, मिनर्वा […]

येँ (नपालभाषा टाइम्स)/ नेपालभाषा टाइम्स न्हिपाैयात फाेनिज राष्ट्रिय पत्रकारिता सम्मान ल:ल्हा:गु दु । प्रदेश नं १ या राजधानी विराटनगरय् जूगु नेपाल आदिवासी जनजाति पत्रकार महासंघया २४ क्व:गु स्थापना दिवसया हना ज्याझ्वलय् संघीय मामिला व सामान्य प्रशासनमन्त्री अमनलाल माेदीं सम्मान ल:ल्हा:गु ख: । मांभासं निरन्तर पत्रिका पिथना: आदिवासी जनजातिया स: तयावयाच्वंगुलिं थुगु सम्मान बिउगु ख: । […]

येँ(नेपालभाषा टाइम्स)- ज्याथःम्ह म्येँ हालामि जुजुभाई तुलाधरया न्हूगु म्येँ ‘मतिनया संसार’या म्युजिक भिडियो पिहां वःगु दु । थ्व स्वयां न्ह्यः निपु म्येँया म्युजिक भिडियो पिथनादीधुंकूम्ह वय्कःया स्वपुगु म्येँया म्युजिक भिडियो छुं दिं न्ह्यः जक पिहां वःगु खः । म्येँ हालामि तुलाधरया न्हूगु म्युजिक भिडियो या निर्देशन व सम्पादन सुरेन्द्र तुलाधरं यानादीगु खः । म्येँ हालामि तुलाधरया थ्व स्वयां […]

येँ (नेपालभाषा टाइम्स)- नेपालभाषा ख्यालः विधाया पुलांगु संस्था ‘मुनासः’ हानं म्वाकीगु जूगु दु । मुनासः नीस्वंगु न्यय्दँ क्यंगु लसताय् ख्यालः सम्बन्धी छगू ज्याझ्वः यासें थुकियात हानं न्ह्याकेगु तयारी जुयाच्वंगु खँ धाःगु दु । ख्यालिजुजु मदनकृष्ण श्रेष्ठ, नविन चित्रकार, श्रीराम श्रेष्ठ आदिपिं मुनासःया संस्थापक पदाधिकारी खः ।