नेवाः खलः कास्कीया न्हूगु ज्यासना पुचः
येँ (नेपालभाषा टाइम्स)÷ पोखराय् च्वनाच्वंपिं नेवाःतय् संस्था नेवाः खलः कास्कीया शनिवाः जूगु साधारणसभा व अधिवेशनं न्हूगु ज्यासना पुचः ल्यःगु दु । न्हूगु ज्यासना प-चलय् वइगु स्वदँया कार्यकालया निंतिं अशोक पालिखेयात हे सर्वसम्मतं हाकनं नायः ल्यःगु दु ।
खलःया थःगु भवन विष्णु बुद्धि सभा कक्षय् जूगु अधिवेशनं नायलय् पालिखेलिसें दक्वं पदाधिकारी, सल्लाहकारलिसें आमन्त्रित दुजःपिं नं मनोनित याःगु खः ।
खलःया न्हूगु ज्यासना पुचःया वरिष्ठ न्वकुकथं तीर्थ श्रेष्ठयात ल्यःगु दुसा प्रकाशलाल श्रेष्ठयात न्वकु, श्रीकृष्ण कतिला मूछ्याञ्जे, भैरवलाल श्रेष्ठ लिउ मूछयाञ्जे व चन्द्रबहादुर भण्डारीयात दांभरिं ल्यःगु दु ।
अधिवेशनया बन्द सत्रं ज्यासना पुचलय् दुजः व आमन्त्रित दुजःपिं ल्ययेगु जिम्मेवारी नायःयात बिउकथं क्लस्टर मिले यानाः सकलें दुजःपिं नं ल्यःगु खः । ज्यासना पुचःया दुजलय् संगीता वज्राचार्य, विनित जोजिजु, कृष्णबहादुर श्रेष्ठ, सुशील गोशली व गोपाल बाटाजुयात ल्यःगु दुसा संस्थागतपाख सन्तोष श्रेष्ठ, हर्कमान शाही व श्रवणलाल जोशीयात ल्यःगु दु ।
थुकथं हे परिषद् दुजलय् शान्तकुमार श्रेष्ठ व सुरेन्द्र श्रेष्ठयात ल्यःगु दुसा नायलं याइगु मनोनितय् रजनी श्रेष्ठ, विक्रम उदास, रिशव तिमिला व लिलाबहादुर श्रेष्ठयात मनोनित याःगु दु ।
अथे हे आमन्त्रित दुजःकथं विश्व बिजुक्छे, हरिप्रसाद श्रेष्ठ, रामप्रसाद श्रेष्ठ, नन्दलाल श्रेष्ठ, सुविन्द्र श्रेष्ठ, विमल श्रेष्ठ, रोहित बाटाजु, ईश्वर कर्माचार्य, नारायण श्रेष्ठ, थमनारायण श्रेष्ठ, शुद्धव श्रेष्ठ, जयराम श्रेष्ठ, उदयबहादुर अमात्य, अर्जुन ताम्राकार, नरबहादुर श्रेष्ठ, अञ्जु बाटाजु, रत्नदेवी श्रेष्ठयात ल्यःगु दु ।
थ्व स्वयां न्ह्यः अधिवेशनया उलेज्या यासें उच्च अदालत पोखराया कामु न्यायाधिश रमेशराज भण्डारीं थःगु भाषा, कला, संस्कृतिया उत्थानया निंतिं निरन्तर रुपं लगे जुयाच्वनेमाः धयादिल । यदि थःगु भाय्, कला, संस्कृति, रीतिरिवाज, चालचनल मंत धाःसा थःगु म्हसीका नं दइमखु धासें उकिया रक्षाया निंतिं हरेक समुदाय सचेत जुइमाः धयादिल ।
खलःया नवनिर्वाचित नायः पालिखें पञ्चांग निर्णायक समितिइ सकलें ब्रम्हूत जूगु जक जूगुलिं नेवाः समुदायया नखःचखः उखेथुखे लानाच्वंगु धासें उकियात भिंकेगु निंतिं पहल यायेगु प्रतिवद्धता प्वंकादिल ।
अधिवेशनय् खलःया मूछ्याञ्जे सुरेन्द्र श्रेष्ठं वार्षिक प्रगति विवरण व दांभरिं चन्द्रबहादुर राजभण्डारीं आर्थिक विवरण न्ह्यब्वयादीगु खः ।
खलःया नवनिर्वाचित नायः पालिखें पञ्चांग निर्णायक समितिइ सकलें ब्रम्हूत जूगु जक जूगुलिं नेवाः समुदायया नखःचखः उखेथुखे लानाच्वंगु धासें उकियात भिंकेगु निंतिं पहल यायेगु प्रतिवद्धता प्वंकादिल ।
LEAVE YOUR COMMENTS