मास्क तयाः जक जुइत इनाप

येँ (नेपालभाषा टाइम्स)- स्वास्थ्य तथा जनसंख्या मन्त्रालयं येँय् वायु प्रदूषण अप्वयाच्वंगु कारणं मास्क तयाः जक पिहां वनेत इनाप याःगु दु । मन्त्रालयं येँया वायु विश्वया हे दकलय् अस्वस्थकर धलःया न्ह्यःने लाःगुलिं अनिवार्य मास्क तयेत इनाप याःगु खः ।

मन्त्रालयया प्रवक्ता डा. प्रकाश बुढाथोकीं येँय् वायु प्रदूषण तसकं अप्वःगुलिं फयांफछि छेँनं पिहां मवयेत, यात्रा मयायेत व तसकं प्रदूषित लागां तापाक च्वनेत इनाप याःगु दु । विश्वन्यंकं वायु प्रदूषणया अवस्था मापन याइगु ‘वल्र्ड एयर क्वालिटी इन्डेक्स ¥याकिङ’ या कथं येँया वायु विश्वया हे दकलय् अस्वस्थकर घोषित जूगु दु ।

प्रवक्ता बुढाथोकीं जारी याःगु विज्ञप्तिइ धयातःगु दु, ‘वायु प्रदूषणं नुगःचु व हिनू, स्वँ, मस्तिष्क, मिखा, न्हाय्, न्हाय्पं, कथु आदिइ लिच्वः लाइगु लिसें दम, क्यान्सर आदिया जोखिम नं अप्वयेका बी । वायु प्रदूषणं यानाः प्वाथय् दुपिं मिस्तय्सं गंसिपिं मचा बुइकीगु व ई मत्यःनिवं मचा बुइगु जोखिम दइ ।’