आदर्श मा.वि.या भर्ना अभियान

थिमि – आदर्श माध्यमिक विद्यालय लाय्कू थिमिं शैक्षिक दँ २०७५÷७६ या नितिं भर्ना अभियान न्ह्याकूगु दु । उगु विद्यालयं चालु शैक्षिक दँय् ११ गू तगिमय् भर्ना अभियानयात सशक्त रुपं न्ह्यःने यंकेत बृहत भर्ना ¥याली याःगु खः ।

विद्यालयया आधारभूतनिसें माध्यमिक तहतक अध्यापक याकाच्वनादीपिं शिक्षक, शिक्षिका, कर्मचारी नापं विद्यार्थीतय् सहभागिता दुगु ¥याली बालकुमारि, दिगुत्वाः चपाच्व, बहाखा बजाः, नगदेश, मिलरोड, नगरपालिका, भुलांख्यः, निगूपुखू जुयाः विद्यालयय् थ्यंकाः क्वचाःगु खः ।

‘न्यूनतम शुल्कय् स्तरीय शिक्षा, आदर्श माविया प्रतिवद्धता’ धइगु नारा बियाः विद्यालयं मानविकी, व्यवस्थापन व शिक्षा लगायत स्वंगुलिं संकायय् अध्यापन याका वयाच्वंगु दुसा १२ गू तगिमय् जक स्वंगुलिं संकाय अध्यापन जुयाच्वंगु दु । भर्ना अभियानकथं थुगुसी ११ गू तगिमय् जक स्वसः विद्यार्थी भर्ना यायेगु लक्ष्य दुगु विद्यालयया नवनियुक्त प्रधानाध्यापक बुद्धिकुमार घोनं कनादीगु दु ।

सम्बन्धित बुखँ

LEAVE YOUR COMMENTS