फेसन युनाइट्सया फेसन युनाइट्स सेकेन्ड एडिसन

नीम्ह व्यावसायिक मोडलतय् क्याटवाक व फेसन शोलिसें फेसन युनाइट्सया निक्वःगु संस्करण थनया ब्लू स्टार मलय् तःजिक क्वचाल । नेपाःया अन्तर्राष्ट्रि कोरियोग्राफर राज फैजूया कोरियोग्राफी व सानु वज्राचार्यया ड्रेस डिजाइनय् ‘फेसन युनाइट्स सेकेन्ड एडिसन’ जूगु खः ।

फेसन शोलय् मौलिक नेपाःया संस्कृति पिब्वइगु ढाकाया फेसनेबल फ्युजन वसःलिसें सिल्क, पार्टिवेयर, क्याजुअल, समरवेयर लगायता आकर्षक पहिरन पुनाः मोडलतय्सं ¥याम्पय् क्याटवाक याःगु खः ।

निगूगु संस्करणया उगु फेसन शोलय् न्ह्यब्वःगु पहिरन रिता लिम्बु, निर्मला केसी, सुजिना तण्डुकार, पृथा मुलेपति, घिमिरे, रोजी वज्राचार्य, आशिका श्रेष्ठ प्रजापति व यंपु फेसन डिजाइनिङ इन्ष्टिच्यूटया संस्थापक डिजाइन सानु वज्राचार्यं तयार यानादीगु खः ।लिसें खस् भाय्या संकिपा ख्यःया नांजाःम्ह अभिनेत्री शुभेच्छा थापां ‘शोज–टपर’या रुपय् बिस्कं पहिरनय् फेसन शो यानादीगु खः ।

उगु शोलय् ब्वति काये खनाः थः तसकं उत्साहित नापं लय्ताःगु अभिनेत्री थापाया धापू दु । ‘फेसन शोत आपालं जुयाच्वनेगु याः । थीथी फेसन शोलय् मोडलया रुपय्, छम्ह निर्णायकया रुपय् व स्वकुमिया रुपय् नं सहभागि जुइ खनाच्वंगु दु । तर थ्व फेसन शो मेमेगु स्वयां भचा बिस्कं कथंया जूगु महसुस यानाच्वना । थ्व फेसन शोलय् ब्वति काये खनाः तसकं लय्ताः’ अभिनेत्री थापां धयादिल ।

रेडियन्ट ईभेन्ट म्यानेजमेन्ट एजेन्सीया ग्वसालय् जूगु ज्याझ्वःया संयोजन श्रीषा बैदार फैजुं यानादीगु खःसा कोरियोग्राफी ज्याझ्वः ग्वसाः ग्वःगु संस्थाया संस्थापक नापं अन्तर्राष्ट्रिय कोरियोग्राफर राज फैजू यानादीगु खः ।

 

सम्बन्धित बुखँ

LEAVE YOUR COMMENTS