ललितकलाया तिस्तुब–वज्रवाराही स्थलगत चित्रकला

येँ – नेपाल ललितकला प्रज्ञा प्रतिष्ठानया ग्वसालय् तिस्तुब–वज्रवाराही स्थलगत चित्रकला शुरु जूगु दु। प्रतिष्ठानया चित्रकला विभागया ग्वसालय् नेपाल भ्रमण वर्ष–२०२ या प्रवद्र्धन यायेगु उद्देश्यं उगु स्थलगत चित्रकला याःगु खः ।

मंसिर २१ निसें २३ गते तक जुइगु चित्रकलाय् तिस्तुब, पालुब, चित्लाब–वज्रवाराहीयात केन्द्रीत यानाः उगु स्थलगत चित्रकला यायेत्यंगु खः । प्रतिष्ठानं उगु चित्रकलाया निंतिं स्थानीय थगुने थीथी निकायलिसे समझदारी याःगु खः । प्रतिष्ठानं चित्लाबय् स्थलगत चित्रकला यायेगु निंतिं थगुने थाहा नगरपालिका, स्थानीय संघसंस्था, इथ्नोलोजिकल स्टडिज ग्रुप व वज्रवाराही बजार व्यवस्थापन समितिलिसे समझदारी याःगु खः ।

प्रतिष्ठानया कुलपति केके कर्माचार्य नेतृत्वय् वरिष्ठ कलाकारतय् छगू पुचः उखे वनाः स्थानीय विषयवस्तुयात केन्द्रीत यानाः स्थलगत चित्रकला सिर्जना यायेगु ज्या यानाच्वंगु दु ।

सम्बन्धित बुखँ

LEAVE YOUR COMMENTS