धरहराया ठेक्काय् ठेकेदारतय् कचवं

येँ – धरहरा दयेकेगु ठेक्का कायेगु लागिं सम्भावित ठेकेदारतय् दथुइ आवंनिसें हे कचवं सुरु जुइधुंकूगु दु । धरहराया ठेक्का लाके फुगु कम्पनी धकाः चर्चाय् वयाच्वंगु रमण कन्स्ट्रक्सन प्रालि विरुद्ध सम्बन्धित निकायय् थीथी उजुरी दर्ता जूगुलिं थ्व कचवं सार्वजनिक जूगु खः ।
रमण कन्स्ट्रकन्सनं थःपिनि विरुद्ध थथे उजुरी तयेगु ज्या याःम्ह धकाः मेम्ह ठेकेदार कम्पनी रसुवा जेभी निर्माण कम्पनीयात द्वपं बिउगु दु । रमण कन्स्ट्रक्सनं विज्ञप्ति हे पिकयाः थ्व द्वपं बिउगु खः ।