भायानेटय् साइबर आक्रमण

येँ – नेपाःया छगू तःधंगु इन्टरनेट सेवाप्रदायक कम्पनी भायानेटय् साइबर आक्रमण जूगु दु । साइबर आक्रमणया कारणं भायानेटया प्रयोगकर्तातय् व्यक्तिगत विवरण पिहांवंगु दु । साइबर आक्रमणया कारणं भायानेटया छगू लख ५० हजार स्वयां अप्व प्रयोगकर्तातय् विवरण ‘लिक’ जूगु खः । साइबर आक्रमण सुनां व छाय् यात धइगु विषय आः तक मस्यूनी । थुकीया बारे छानबिन जुयाच्वंगु जानकारी भायानेटं बिउगु दु ।

छुं ई न्ह्यःनिसें नेपालय् साइबर आक्रमण अप्वयावंगु दु । थ्वस्वयां न्ह्यः जक अनलाइन फुड डेलिभरीया सेवा बियाच्वंगु फुडमान्डुइ नं साइबर आक्रमण जूगु खः । उगु इलय् नं करिब ५० हजार प्रयोगकर्तातय् व्यत्तिगत विवरण ‘लिक’ जूगु खः ।

नेपालभाषा टाइम्स

च्वमिया मेमेगु

• ग्यास अनुगमनय् प्रहरी
• सुधारय् गृहलय् ल्याय्‌म्ह सीवं तनाव
• प्रदेशस सरकार बारे गगन थापाया ब्रिफिङ
• इरान-ओमान वार्ता प्रगतिपाखे, होर्मुज चायेकेत इरानया खुगू सर्त
• ३२ क्वःगु विश्व आदिवासी दिवस तःजिक न्यायेकल, प्रधानमन्त्री शाहया सन्देश तकं मवल