थ्रीस्टारया उपाधी त्याकीगु सम्भावना कमजोर

येँ – हीद स्मारक लिग अन्तर्गत बुधवाः जूगु निगुलिं कासा बराबरीइ क्वचाःगु दु । थ्रीस्टार व आर्मी दथुइ जूगु कासा लिसें ब्रिगेड ब्वाइज व नेपाल पुलिस दथुइ जूगु कासा १–१ गोलया बराबरीइ क्वचाःगु खः । एन्फा कम्प्लेक्सय् जूगु लिपांगु कासाय् थ्रीस्टारं ७० औं मिनेटय् निराजन खड्काया गोलया ग्वाहालिं अग्रता काःगु खः ।

तर आर्मीया जर्ज प्रिन्स कार्कीं कासा क्वचायेत निगू मिनेट जक न्ह्यः फ्रिकिक पाखें गोल यासें कासा बराबरीइ हःगु खः । थ्व बराबरीइं यानाः थ्रीस्टार व आर्मीया उपाधी त्याकेगु सम्भावना धाःसा कमजोर जूवंगु दु । थ्रीस्टार गुंगू कासा म्हितेधुंकाः आः २२ अंक दु । थ्व ल्याः धयागु शीर्ष थासय् लानाच्वंगु मनाङ्गया स्वयां ५ अंकं म्हो खः ।

लिगय् आःतक म्हितूगु फुक्क कासा त्याका वयाच्वंगु मनाङया गुंगू कासा म्हिताः २७ अंकं दु । मनाङ्गयात धाःसा संकटां २४ अंक सहित टक्कर बियाच्वंगु दु । बुधवाः हे जूगु मेगु कासाय् कासा १ –१ गोलया बराबरीइ क्वचायेवं ब्रिगेड व पुलिसं नं ल्याः इना काःगु खः । थ्व कासा बराबरीइ जुइवं पुलिसया आः १५ ल्याः थ्यंगु दुसा ल्याः धलखय् न्यागूगु थासय् लाःगु दु ।

मेखे बिग्रेड ब्वाइज धाःसा ५ अंक सहित झिंछगूगु थासय् दु । बुधवाः जूगु कासाय् ब्रिगेड ब्वाइजं कासाया न्यागूगु मिनेटय् हे अग्रता काःगु खः । ब्रिगेडया ऋतिक खड्काः कासााि न्यागूगु मिनेटय् विदेशी कासामि काजिमया पासय् गोल याःगु खः । निगूगु हाफया ७५ औं मिनेटय् अभिषेख रिजालं गोल यायेवं पुलिसं कासा बराबरीइ हःगु खः । अभिषेखं हेम तामाङ्गया पासय् गोल याःगु खः ।

सम्बन्धित बुखँ

LEAVE YOUR COMMENTS