पद्मरत्न हनेत निर्देशक पुचः

येँ – जाति, भाषा, मानव अधिकार, आदिवासी जनजाति व नागरिक आन्दोलनया न्ह्यलुवा भाजु पद्मरत्न तुलाधरया ज्याःजंक्वया लसताय् जुइगु नागरिक अभिनन्दन ज्याझ्वःयात व्यवस्थित यायेगु लागिं जाति भाषा आन्दोलनया न्ह्यलुवापिनिगु छगू निर्देशन पुचः नीस्वंगु दु ।
भाषासेवी, समाजसेवी लिसें उद्योगपति लक्ष्मीदास मानन्धरया अध्यक्षताय् थौं ने.सं. ११३८ तछलागा खस्थि (वि.सं. २०७५ असार २० गते) बुधवाः च्वंगु मुँज्यां उगु पुचः नीस्वंगु खः ।

पुचलय् जनकवि दुर्गालाल श्रेष्ठ, जनगायक भृगुराम श्रेष्ठ, नेवाः न्ह्यलुवापिं मल्ल के. सुन्दर, नरेशवीर शाक्य व ख्यालः स्यनामि गणेश साय्मि च्वनादीगु दु ।निर्देशन पुचलं थ्वहे वइगु आइतवाः छगू तःजिगु भेला सःतुसें अभिनन्दन ज्याझ्वःया लागिं आवश्यक थीथी कवः
व न्हियान्हिथं ज्या यायेत छगू सचिवालय नं नीस्वनेगु निर्णय याःगु दु । भाजु तुलाधरया ज्याःजंक्व थ्वहे वइगु गुंला (भाद्र) य् लानाच्वंगु दु ।

सम्बन्धित बुखँ

LEAVE YOUR COMMENTS