गद्दी बैठकया पुनर्निर्माण क्वचाल

येँ – थनया हनुमानध्वाखाया गद्दी बैठक निर्माण सम्पन्न जूगुलिं म्हिगः प्रधानमन्त्री केपी शर्मा ओली व अमेरिकाया कार्यवाहक राजदूत पिटर मालनाकं मंकाः कथं उकिया उलेज्या यानादिल ।

अमेरिकी सरकारया सांस्कृतिक संरक्षण सम्बन्धी राजदूत कोष (एएफसिपीं) ७ लाख अमेरिकी डलरया अनुदान बियाः मियामाटो ग्लोबल डिजास्टर रिलिफ व पुरातत्व विभाग लिसेया मंकाः ग्वसालय् गद्दी बैठकया पुनर्निर्माण याःगु खः ।
प्रधानमन्त्री ओली व कार्यवाहक राजदूत मालनां म्हिगः हे हनुमानध्वाखा लागाय् पुनर्निर्माण सम्पन्न जुइधुंकूगु १७ व १८ औं शताब्दीया कागेश्वर, लक्ष्मीनारायण व सरस्वती देगःया नं उलेज्या यानादीगु खः । थ्व फुक्कं सम्पदात वंगु २०७२ सालया तःभुखाचं क्षतिग्रस्त जूगु खः ।

राणाकालय् बेलायती शैलीं दयेकूगु बसन्तपुरया गद्दी बैठक पुनर्निर्माण सुरु जूगुयां गुलाया दुने सम्पन्न याःगु खः । उगु लागाया मेमेगु सम्पदा धाःसा अझं पुनर्निर्माण झ्वलय् हे दनि ।

सम्बन्धित बुखँ

LEAVE YOUR COMMENTS