चीनय् हाकनं खनेदत संक्रमण

बेइजिङ (बीसीसी) – चिनिया सहर सुलानय् कोरोना भाइरसपाखें संक्रमित जुपिनि ल्या: अप्वयेवं उकियात लकडाउन या:गु दु । आइतवा: बहनितक अन ११ म्हेसित संक्रमण जूगु पुष्टि जूगु दु । छम्ह लन्ड्रीइ ज्या याइम्ह मिसापाखें संक्रमण ब्वलंगु विश्वास याना त:गु दु । उम्ह ४५ दँया मिसां थ: भा:त, तथा व परिवारया मेपिं दुजतय्स भाइरस पुंकूगु अनुमान दु । पूरा सहर लकडाउन यायेगु झ्वलय् सकसितं छेँ पिहाँ मवयेत धा:गु दु । सुलान सहर जिलान प्रान्तय् ला: । थ्व सहर उत्तर कोरियाया सिमानानाप स्वना च्वंगु दु । उत्तर कोरियां थ:थाय् आ: तक छम्ह नं संक्रमित मलूगु धयाच्वंगु दु ।