ब्राजिल व स्वीट्जरल्यान्ड नकअाउट चरणय्

विश्वकपया समूह इ पाखें ब्राजिल व स्वीट्जरल्यान्ड नकअाउट चरणय् दुहांवंगु दु । नकतिनि क्वचागु कासाय् ब्राजिलंं सर्वियायात २-०  गाेलं बुकूगु खःसा स्वीट्जरल्यान्डंं काेस्टारिका लिसेे २-२ गाेलंं बराबरी यासें अन्तिम १६य् थाय् दयेकूगु खः ।

निगूगु चरणय् वनेत थाैंया कासा त्याके हे माःगु दबाबय् लानाच्वंगु ब्राजिलया नीति पाउलेन्हाें कासाया ३६ अाैं मिनेटय् गाेल यासें अग्रता बिउगु खःसा ६८ अाैं मिनेटय् थिएगाे सिल्भां कर्नर बलय्् हेडपाखें गाेल यासें विजय सुनिश्चित याःगु खः । कासाय् नेयमारं तःक्व कुतः याःगु खःसां गाेल धाःसा यायेमफुत ।

ब्राजिल समूह ई या विजेताया ल्याखं नकअाउट चरणय् समूह एफया उपविजेता मेक्सिकाे लिसे मेगु कासा म्हिती । मेखे समूह ई इ उपविजेता जूगु स्वीट्जरल्यान्डंं समूह एफया विजेता स्वीडेनलिसे नकअाउट चरणय् म्हिती ।

सम्बन्धित बुखँ

LEAVE YOUR COMMENTS