त्वाः त्वालय् प्रहरी अभियान

येँ – नेपाल प्रहरीं स्थानीय क्षेत्रया शान्ति सुरक्षा व्यवस्था सुदृढ यायेगु ल्याखं त्वाः त्वालय् प्रहरी अभियान न्ह्याकूगु दु । प्रहरी महानिरीक्षक सर्वेन्द्र खनालं उगु अभियान छगू ज्याझ्वःया दथुइ उलेज्या यानादीगु खः ।अभियानया उलेज्या यासें खनालं समाजय् खने दयाच्वंगु विकृति, विसंगति, व गलत प्रवृत्ति विरुद्ध प्रहरी संगठन कडा रुपं प्रस्तुत जुइमाः धयादिल ।

वय्कलं नेपाल प्रहरीयात नमूना प्रहरी संगठनया रुपय् निर्माण यायेगु योजनाय् थः लगे जुयाच्वनागु धासें बांलाःगु लिच्वः वइकथं ज्या यायेत नं निर्देशन बियादिल । गृह मन्त्रालयया सहसचिव रामकृष्ण सुवेदीं प्रहरीं थःगु सीमित स्रोत व साधनया दथुइ न्ह्यःने हःगु ‘सुखी नेपाली समृद्ध नेपाल’ नारायात सार्थक यायेगु ल्याखं हःगु अभियान हयाः बांलाःगु ज्या याःगु धासें सफलताया कामना यानादिल ।