जगतसुन्दरय् चित्रकला

येँ-  हलिं नेवाः दिवसया झ्वलय् लाकाः वंगु शुक्रवाः जगत सुन्दर ब्वनेकुथिइ स्कुलया विद्यार्थीपिनि दथुइ चित्रकला ज्याझ्वः जुल । स्कुलया प्यंगू निसें च्यागू क्लासया मस्तय्सं ब्वति काःगु ज्याझ्वलय् ९२ म्ह विद्यार्थीतय्सं चित्र दयेकूगु खः । चित्र च्वःपिं सकसितं मू पाहाँ नेपाःया हे न्हापांम्ह आधुनिक चित्रकार गेहेन्द्रमान अमात्यं दसिपौ लःल्हानादिल ।

ज्याझ्वलय् न्ववानादिसें मूपाहाँ अमात्यं न्हापा चित्रकारतय्त तसकं थाकुगु अनुभव कनादिसें थौंकन्हय् चित्र च्वयाः नं यक्व ह्वःताः चुलाइगु खँ कनादिल । स्कुलया पुलांम्ह प्रिन्सिपल व संचालक समिति दुजः माया मानन्धरया सभापतित्वय् जूगु ज्याझ्वलय् डब्ल्यूएनओ केन्द्रीय कमिटीया सचिव अनाररत्न वज्राचार्य, म्येँ हालामि सुरजवीर वज्राचार्य पाहाँ कथं झायादीगु खः । भाजु वज्राचार्यंं ज्याझ्वलय् म्येँ हालाः नं न्यंकादीगु खः ।

 

सम्बन्धित बुखँ

LEAVE YOUR COMMENTS