लागू वासः दुव्र्यसन विरुद्ध सतक नाटक

यल – लागू वासः विरुद्ध अभियान न्ह्याकेगु झ्वलय् सतक नाटक क्यनेगु ज्या जुल । प्रहरीलिसे जानाः अभियानया रुपय् न्ह्याका वयाच्वंगु लागू वासः दुव्र्यसनी विरुद्ध सतक नाटक थेच्वय् क्यंगु खः । लागू वासःया दुव्यर्सनीतय् ल्याः अप्वया वनाच्वंगुयात ध्यानय् तयाः ‘मेरो पाइला’ नांया सतक नाटक थेच्वय् च्वंगु श्री सरस्वति मा.वि.या प्रांगणय् क्यंगु खः ।

महानगरीय प्रहरी परिसर यलनाप जानाः दछितक अभियान न्ह्याकेकथं उगु सतक नाटक क्यंगु खः ।गोदावरी नगरपालिकाया ग्वाहालिं नेपाल प्रहरी लागू वासः दुव्र्यसन ब्यूरोया समन्वयय् राष्ट्रिय युवा महासंघया पहलय् उगु सतक नाटक क्यंगु खः । लागू वासः विरुद्ध छेँजःपिं हे सक्रिय जुइमाःगु, रचनात्मक क्रियाकलापय् ल्याय्म्हत परिचालन जुइमाःगु सन्देश नाटकं बिउगु दु ।

यल मनपा १६ वडाया मंगलबजाः, पट्को, प्रभाग परिसर, चक्रबही, वडा नं. ११ या बगलामुखी, न्हू बानेश्वर, शंखम्वः लगायत थीथी थासय् क्यने धुंकाः थेच्वय् क्यनागु नाटक क्यनेज्याया संयोजक प्रणीता शाक्यं कनादिल ।