१५ मिनेट कोभिड सीकीगु अर्लाम

एजेन्सी- बेलायतया वैज्ञानिक–तय्सं १५ मिनेटया दुने कोरोना संक्रमण सीकेफइगु डिभाइस दयेकागु दावी याःगु दु । थ्व डिभाइसया नां कोभिड अलार्म खः । लण्डन स्कुल अफ हाइजीन एण्ड ट्रपिकल मेडिसिन व डुरहम युनिभर्सिटीया वैज्ञानिकतय्गु अनुसन्धानं थ्व डिभाइस दयेकूगु खः । वैज्ञानिकतय्सं धाःकथं थुकिं ९८ निसें १०० प्रतिशत तक सकारात्मक लिच्वः बी ।

थ्व अनुसन्धानया न्हापांगु पलाः जूगु व भविष्यय् वयेफइगु महामारीयात ज्या वइगु नं वैज्ञानिकतय्सं धाःगु दु । थ्व डिभाइसं छ्यंगू व सासलं पिहां वइगु रसायनं संक्रमित म्हसीकी । कोरोना जूपिनिगु म्हं पिहां वइगु गन्धंयात डिभाइसया सेन्सरं म्हसीकीगु खँ वैज्ञानिकतय्सं धाःगु दु ।

वैज्ञानिकतय्सं थुकिया ज्या हवाइजहाजया क्याबिन, अफिस, क्लास रुमय् महत्वपुर्ण जुइगु नं धाःगु दु ।