पुलांम्ह स्काउटरयात लुँया गैंडापाखें सम्मान

ख्वप – स्काउटया क्षेत्रय् ताःई न्ह्यवंनिसें योगदान बिया वयाच्वनादीम्ह समाजसेवी रामगोपाल कर्माचार्ययात छगू ज्याझ्वःया दथुइ सम्मान याःगु दु । वय्कःयात नेपाल स्काउटया ‘सुनौलो गैंडा’ पदकपाखें सम्मान याःगु खः । प्यंगू दशकं मल्याक नेपाल स्काउटय् च्वनाः बियादीगु योगदानया कदर यासें वय्कःयात उगु सम्मानं सम्मानित याःगु खः ।

२०३४ सालंनिसें स्काउटय् आवद्ध जुयादीम्ह वय्कः नेपाल स्काउटया राष्ट्रिय सचिव, कोषाध्यक्ष, जनसम्पर्क अधिकृत थेंज्याःगु पदय् च्वनाः सेवा यानादीधुंकूगु दु । नेपाल स्काउटया स्वक्वःगु राष्ट्रिय ज्याम्बोरीया झ्वलय् कर्माचार्यलगायत मेपिं न्याम्हेसित उगु पदकं सम्मान याःगु खः।

नेपाल स्काउटं बीगु थीथी पदक मध्ये सुनौलो गैंडा दकलय् उच्च सम्मानया पदक खः । शुरुया इलय् भक्तपुर स्काउटय् च्वनाः सेवा यानादीम्ह थौंकन्हय् वय्कः भक्तपुर स्काउटया जिल्ला आयुक्त जुयाः ज्या याना वयाच्वनादीगु दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन