जात्राय् पिहां वइगु बाजंयात भत्ता बीगु

येँ-जात्रा पर्वय् संलग्न नेवाः बाजंतय्त आः येँ महानगरपालिकां भत्ताया व्यवस्था याइगु जूगु दु । मेयर विद्यासुन्दर शाक्यं म्हिगः थनया पचली रुद्र गणेश नायः खिं बाजं खलकं याःगु हना ज्याझ्वलय् न्ववासें वय‍्कलं उगु खँ धयादीगु खः ।

वय‍्कलं वइगु आर्थिक दँया बजेटय् उगु व्यवस्था यानागु खँ कनादिसें येँया थीथी जात्रायात मनपां फक्व ग्वाहालि यायेगु खँ नं कनादिल । वय‍्कलं पचली क्षेत्र विकासया निंतिं मनपां १ करोड २० लाख तका बजेट फ्यायेधुनागु खँ कँसें आः पचलीयात सांस्कृतिक व धार्मिक रुपं जक मखुसें पर्यटकीय रुपं नं विकास यायेमाःगु खँ कनादिल ।

उपमेयर हरिप्रभा खड्गी श्रेष्ठं न्हापा मनपाय् जनप्रतिनिधि मदुगुलिं थीथी जात्रा दिनाच्वंगु खःसां आः दीमखु धयादिल ।
ज्याझ्वलय् थगुनेया पचली जात्राय् रुद्रविनायक नाय‍्खिं गणेद्यः जात्रा यायेत थीथी कथं ग्वाहालि याःपिंत हनेज्या जूगु खः । वय्कःपिंत मेयर शाक्य, पुलांम्ह स्वास्थ्य राज्यमन्त्री तीर्थराम डंगोल व वडाध्यक्ष विकास डंगोलं सम्मान यानादीगु खः ।

नेपालभाषा टाइम्स

च्वमिया मेमेगु

• देेउवायात सेना पाखें रेस्क्यु ।
• उपप्रधानमन्त्री प्रकाशमान सिंहया चाक्सिबारीया छेँय् नं ताडफाेड यानाः च्याकाबिल
• प्रधानसेनापति अशाेक सिग्देलं ५ बजे सम्वाेधन याइगु धाःसां थुकिया पुष्टि जूगु मदुनि । सेनां थ्व सम्बन्धय् आःतक छुं न्ववाःगु मदुनि । बरु सेना सहित फुक्क सुरक्षा अंगया प्रमुखपिं व मुख्य सचिव एकनारायण अर्यालं छगू वक्तव्य पिकयाः संवादया माध्यमं समस्या ज्यंकेमाः धाःगु दु ।
• झलनाथ खनालया कलाः रविलक्ष्मी चित्रकारयात म्हय् मि तयाबिउगु समाचार वःगु दु ।
• पुलांम्ह राष्ट्रपति विद्यादेवी भण्डारीया छेँय् नं मि तयाबिउगु दु ।