तःमुँज्याया निंतिं ख्यालः व प्याखं ल्यल

ख्वप – नेपालभाषा साहित्य तःमुँज्याया निंतिं प्यपु ख्यालः व च्यापु छधाःप्याखं ल्यःगु दु । तःमुँज्या ग्वसाः खलः अन्तर्गतया सांस्कृतिक विधा मूल्यांकन समितिं थीथी विधाय् मूल्यांकनया लिधंसाय् तःमुँज्याया निंतिं उगु ख्यालः व प्याखं ल्यःगु खः । तःमुँज्याया निंतिं समितिं ल्यःगु ख्यालःपाखे नाट्यकर्मि समाजया ‘यमलोक’, स्कलर्श होम एकेदमिया ‘यमलोकय् पार्टी’, सिद्धिगणेश साकोसया ‘छेराबति’ व नियो फ्यूजन कम्प्युटर इन्ष्टिच्यूटया ‘स्मार्ट सिटी’ पास याःगु खः ।

अथे हे नेपाल क्रान्तिकारी विद्यार्थी संघ–१०या ‘जितः नं यंका या’, ख्वप बहुउद्देश्यीय प्राविधिक संस्थानया ‘जि पिने वाने मखुत अब्वा’, बाल परिवारया ‘जि म्वायेगु’, ख्वप कलेजया ‘विध्वंस’, भक्तपुर क्यान्सर अस्पतालया ‘गीति नाटक’, ख्वप नगरपालिका ९या ‘छम्ह मिसाया थीथी रुप’, प्रभात इंग्लिश सेकेन्डरी स्कुलया ‘सल्लाहकार खः कि ठग’, चोर्चा परिवारया ‘छम्ह पूर्व मन्त्रीया चर्तिकला’, आस्था सांस्कृतिक परिवारया ‘कार्ल माक्र्स’ व नेपालभाषा ब्वने पुचःया ‘कुल छेँ’ छधाःप्याखंयात ल्यःगु दु ।

थ्व हे वइगु कौलाथ्व द्वादशि व त्रयोदशि (कात्तिक ४ व ५) निन्हुयंकं यातु गणेद्यःयाथाय् स्वीच्याक्वःगु नेपालभाषा साहित्य तःमुँज्या जू वनाच्वंगु दु । तःमुँज्याय् सांस्कृतिक ज्याझ्वलय् नीपु हुलाप्याखं व न्हय्पु म्येँ नं दुथ्याकागु ग्वसाः खलकं जानकारी बिउगु दु ।