जैसीदेगलय् निःशुल्क स्वास्थ्य शिविर

येँ – जैसीदेवल युथ क्लबया रजत महोत्सवया लसताय् निःशुल्क स्वास्थ्य शिविर जुल । हाडजोर्नी, नुगःचु व जनरल फिजिसियन ल्वय् सम्बन्धी परीक्षण जूगु शिविरय् मुक्कं सछि व ख्वीम्हेसिया थीथी ल्वय्या परीक्षण यायेगु ज्या जूगु खः ।

शिविरया निंतिं बुद्ध माई अस्पतालं आवश्यक ग्वाहालि याःगु खःसा डा. रमेश पौडेल (फिजिसियन), डा. विष्णुबाबु थापा–अर्थोपेडिक), डा. मुकुन्द शर्मा (कार्डियोलोजी), डा. दीपकराज सिंया नेतृत्वय् डा. जितेन्द्रप्रसाद सिंह, डा. उदय कोइराला, डा. सन्तोष रौनियारया पुचलं स्वास्थ्य परीक्षण याःगु खः ।

शिविरया निंतिं सुशील आचार्य, प्रसन्न आचार्य, अनिश अन्सारी, मनोज खतिवडां विशेष ग्वाहालि यानादीगु खःसा माइक्रो ल्याबया शिव रौनियार, मेरिना मानन्धरं शिविरया निंतिं निःशुल्क वासः वितरण यानादीगु खः । अथे हे नासल हेल्थ केयर गै¥हीधारा, बीआर फार्मेसी, मेडिकेयर, डा. अमिता श्रेष्ठं नं शिविरया निंतिं निःशुल्क वासः ग्वाहालि यानादीगु खः । उगु शिविर क्लबया कोषाध्यक्ष गिरीधर श्रेष्ठया संयोजकत्वय् जूगु खः ।