नेपाःया न्हापांगु बायोग्यासया उलेज्या

येँ –  नेपाःया हे न्हापांगु बायोग्यास संचालनय् वःगु दु । येँ महानगरपालिकाया प्रमुख विद्यासुन्दर शाक्यं बायोग्यासया उलेज्या यानादीगु खः । बायोग्यास उलेज्या यासें येँ मनपा प्रमुख शाक्यं फोहरयात व्यवस्थापन यानाः ग्यास उत्पादन यायेत थुकिं तःधंगु ग्वाहालि याइगु विश्वास प्वंकादिल ।

लिसें वय्कलं येँ मनपां नं स्वनिगःया फोहरपाखें ग्यास उत्पादन यायेगु गृहकार्य यानाच्वंगु धासें ध्वगिगु फोहरयात वांछ्वयेगु पलेसा छेँय्छेँय् हे ग्यास उत्पादन जुइगु थथे जुल धाःसा पिने वनाः ग्यास न्यायेगु झन्झट मुक्त जुइ धयादिल । येँ मनपां थज्याःगु प्रविधि छ्यलाबुला हयेगु निंतिं प्रोत्साहन बीगु नं वय्कलं धयादिल ।

एडन इन्जिनियरिङ सोलुसन व शंखमूल वृहत सरसफाइ अभियानं छेँय् हे उत्पादन जुइगु ध्वगिगु फोहरं नसाज्वलं दयेकेत आवश्यक मिथेन ग्यास उत्पादन यायेगु बायोग्यस प्रणाली नेपालय् हःगु खः । करिब ९० हजार लागतया उगु बायोग्यास छेँया कःसिइ अःपुक तये फइगु खँ धाःगु दु । बायोग्यासपाखें उत्पादन जुइगु ग्यासं न्हिथं नसाज्वलं ज्वरे याये फइ ।

सम्बन्धित बुखँ

LEAVE YOUR COMMENTS