लुँवह व्यवसायीं प्रमयात नाप लात

येँ- लुँवह व्यवसायीतय् छगू प्रतिनिधिमण्डलं प्रधानमन्त्री शेरबहादुर देउवयात नाप लाःगु दु । प्रधानमन्त्री देउवायात नेपाल सुनचाँदी रत्न तथा आभूषण महासंघया छगू प्रतिनिधिमण्डलं नाप लाःगु खः ।

महासंघया अध्यक्ष रमेश महर्जनया नेतृत्वय् वंगु छगू प्रतिनिधिमण्डलं प्रधानमन्त्री देउवायात नाप लानाः अर्थतन्त्रया हरेक ख्यःयात कःघानाः प्याकेजया घोषणा यायेत सरकार समक्ष माग याःगु दु । महासंघया प्रतिनिधिमण्डलं आभूषण ख्यःया प्रवद्र्धन यानाः देय्या अर्थतन्त्रय् थप योगदान बी फइगु बारे नं सुझाव बिउगु दु ।

चालु आर्थिक दँया मौद्रिक नीतिइ पुनर्कर्जा, सहुलियतपूर्ण कर्जा व लुँवह, रत्न व आभूषण व्यवसाययात निरन्तरता बीकथंया कर्जा आदिया ख्यःयात विस्तार यानाः नेपाल सरकारय् दर्ता जुयाः संचालन जुयाच्वंगु दक्वं उद्योग, व्यवसायं उकियात उपभोग याये फइकथंया प्रावधान तयेत खँय् नं महासंघं माग याःगु दु ।

२०६७ सालय् छुं ईया निंतिं जक धकाः लागू याःगु लुँ आयातया कोटा प्रणाली आतक यथावत हे जुयाच्वंगु व बैंकयात जक एकाधिकार बियातःगु खँय् नं महासंघं असन्तुष्टि प्वंकुसे उकियात तत्काल खारेज यायेत नं सरकार समक्ष माग याःगु दु ।

सम्बन्धित बुखँ

LEAVE YOUR COMMENTS