हिसिया ईन्भ्यालिड न्ह्यसः

डियर हिसि
छंगु अबैधानकि न्ह्यसःतयगु धलः न्यना
जि ईलय् ब्यलय् ईतमतः कनिगु

बदां माकु जुई कि मजुई ?
आमै खुन्हु ख्युँसे च्वनि कि मच्वनिे ?
बैशाखया निभालं पुई कि मपुई?
चिकुलां चिकुसे च्वनि खला ?
थुपिं व थज्यागु ईन्भ्यालिड न्हयसःत
छं न्यना च्वनिगु नमूना न्हयसःत खः

गबलें कपालय थिया पा फ धैगु
गबले छाती ल्हा तया कसम न धैगु
जि भतिचा न्हयोने दतकि देय् थ्वका ह्वार ह्वार न्हिलीगु
जि भतिचा तापाक्क वनकि सुकुभतु थें सुकुसुकु ख्वईगु
थ्व फुक्क् छंगु अपरिपक्व अर्थात इमम्याचुयर ब्यवहार खः
नापं भावानात्मक अर्थात सेन्टीमेटल उतारचढाव खः

म्हिग हे तिनि छं
मतिनाया अदालतया दर्ता मजुईगु
छपु न्हयसः न्यन जिके
जिं छन्त गुलि लुमं धका

दरपीठ मयासें
थ्व दरपीठ यायेमागु न्हयसःया लिसः
म्हिग हे छ्वया हये धुन
थ्व प्रतिप्रश्न नापं

डियर हिसि
जिं छन्त लोमंके फुगु छुं ई दईला ?

नेपालभाषा टाइम्स

च्वमिया मेमेगु

• जुगि जातया आवासया समस्या
• मेलम्चीया लः वइगु अझं अनिश्चित
• बँ पसः तयेके हे मबीगु बालेनया अडान
• फणीन्द्रयात सिद्धिदास सिरपाः
• इहिपा ज्याझ्वलय् मिं नयाः सछिम्ह मल्याकं सित